2014年4月30日 星期三

食魚糧

食魚糧
     近年雙足常受筋骨炎困擾,常來勢洶洶,一痛便舉步維艱,因老父有痛風,懷疑自己是否痛風,看了兩位西醫都說不是痛風,一說是筋膜炎,一說是風濕,但都祇是開消炎藥消痛,今年發作似乎越來越密,往往感覺腳趾有點麻,常抽筋,細少足傷陪伴往看跌打,因利成便請教了跌打醫師,說是年紀大了筋會縮,氣血又不調,暮春天氣潮濕,人易濕困,試吃中藥一星期,已經哽咗一包,仲有六日要捱!

細少問:mum你吃魚糧呀?

又幾鬼似,又真係點解咁細粒,一包咁鬼多,吞都要分幾次,真吾明點解吾可以整大粒啲,飲水飲到飽,今次真係有藥飲水飽!






23 則留言:

  1. 軒軒:又真係幾似魚糧喎,祝福您呢D魚糧能帮到您,快D好番哂喇!

    回覆刪除
    回覆
    1. 尼D魚糧一用水送,就浮哂喺度,吞都吞吾哂,黐喺牙度,好難食,見食咗幾年消炎藥,又試下中藥啦!D痛走維走,話痛就痛到跛跛下,一步一痛,無收。

      刪除
  2. 我以為魚糧真係可以醫痛風添!

    回覆刪除
  3. 我又係呀!腳爭痛,踩落地更痛,坐係度都痛。

    回覆刪除
  4. 貴嗎?食成點呀,好D無?

    回覆刪除
    回覆
    1. 60元一包,食咗腳趾無痺,但如果真係氣血問題,可能要食耐D。

      刪除
  5. 回覆
    1. 多戲關心!人老了問題自會多多,中藥功效很慢!

      刪除
  6. Eva~您好,我是maggie呀,唉~人老了事少,機器壊最煩憂,藥煲maggie就憑病得多扮代表說說,看來您是舊患及風濕,不過任何人也不可以下判斷,即使西醫也是憑指數去下判斷去醫療,無指數何能去醫治.長期食消炎藥只不過治標不治本之外還會~傷胃~,和食止痛藥無什麼分別,止痛藥還可以依賴用心理去治療,明白hk西醫不大用~驗血指數~,也許是一個醫療制度變了人力有限,Eva您食那些~魚量~是很危險的,1)那藥到底是?????無人知又無名真是????? 2)那跌打醫師????不如hk對所謂醫師......有沒有信心,3)您說是中醫中藥更加令我無信心~~~很多中藥對肝醫療是比西藥好得多,不過如果......傷肝能力更可怕......99%醫風濕西醫是~傷肝&腎功能外,還會傷其他內臟,所以西醫就要看指數,病人更加要了解自己選擇,我長期食西藥再看中醫去治療,同時也定期~驗血~唉~eva我明白目前您的一切,更加了解hk,不如試試去看政府排下隊也無妨,blog上也有些有訓練專業新一代中醫,我是不認識他們,只不過覺得他們~有紋有路~

    回覆刪除
    回覆
    1. http://blog.xuite.net/ericwongsiukit/hkblog
      http://www.cmedinclassics.hk/
      還有國內 http://blog.sina.com.cn/ 都有很多東西看,看了3年中醫,我都有點厭倦,類風濕西醫也多次催促去看,唉!~也懶得動,不如只要求藥不加~指數正常好了,痛~只不是生活一部份又一樣返工.......回家只不過痛多些罷,今年東美凍過北極那幾天已給那些~大咀巴~不盡本份人~凍傷了腳~現場maggie隻腳~準過天文台尖端科技~幸好maggie一場~火燒功德林~後個個不敢...........哈哈~還未講完........n咁多,有空再講

      刪除
    2. 多謝關心!大爺一向反對食中藥,但食咗太多西藥至會辜且一試,我都吾係亂食,這跌打醫師是有口碑,很多街坊及有朋友給他醫過,我才夠膽一試,政府排隊,死咗都未到,朋友白內瘴已熟去看急症,排年半。西醫有講要驗血,但未到數據驗係無意思,話等發作嚴重一驗即知。

      刪除
  7. 軒姐
    一次過哽一包,還是一天內哽一包呀?
    味道如何?
    飛鳥字

    回覆刪除
    回覆
    1. 做乜你會變咗匿名?一次過哽一包,用水送,就浮哂喺度,吞都吞吾哂,黐喺牙度,好難食。

      刪除
  8. 我都試過腳踭痛, 食左七日消炎藥, 做下拉筋運動, 好了很多, 祝你早日康復。

    回覆刪除
    回覆
    1. 多謝芹菜!我記得你教過我一套運動,但我痛的位置不是腳踭,是腳邊和腳眼對出,無一定位置。

      刪除
    2. 看你的症狀,我覺得你似痛風多D,吾使等發作,去睇下西醫驗下血便清楚。最怕斷錯症,食錯藥。

      刪除
    3. 我睇咗兩個西醫,都係好肯定話吾係痛風,中西醫都話係我以前工作行同企太多而勞損,老咗便易有問題,而幾姊弟都遺傳了父親的筋骨問題。

      刪除
  9. 都市人小運動,得閒去做下運動,學下太極,藥係治標不治本。

    回覆刪除
    回覆
    1. 幾姊弟都遺傳了父親的筋骨問題,這十年我吾係手就腳有事,初是網球肘,好番就左右手大拇指輪流彈弓手,到現在執筆用力某個角度仍痛,這亦是提早退休的一個原因之一,唉!人閒心不閒呀!

      刪除
  10. 回覆
    1. 多謝惠惠!吃了藥消了炎,無事啦!不過吾知幾時又黎揾我!

      刪除