牛油蒜香生煎帶子
綜合了老表的方法,帶子最好連膠袋包裝一齊溶冰,前一晚就將帶子由雪柜冰格放過去雪柜。第二天徹底解凍後,略為清洗,將帶子上邊的帎肉摘除,掠乾水,放在摺兩三層厚的廚紙上。然後好似捲豬腸粉咁卷成一卷卷放在托盤,再放入雪柜一天,待水份盡量吸乾,到煎之前才從雪柜取出,保持新鮮。
老表認為最好用普通不銹鋼平底煎pan。
覺得一般易潔鑊煎pan,燒極都唔夠紅,住家爐火更弱,但我沒有銹鋼平底煎pan,仍用易潔鑊煎pan,本來是熱鑊凍油,但因是易潔鑊,我改了凍油落鑊,燒至油至出大煙才煎。
老表心得:燒鑊其間,攤開帶子,灑些少幼鹽,白胡椒粉,黑椒粉。
鹽不要多,多則出水。即落即煎,
將有鹽同胡椒粉那面向下先煎,再放少許鹽和黑白胡椒粉在未有味嘅另一面,反轉待兩面都煎到有些少金黃起焦後,轉中火,放些少牛油蒜粒煎多一陣,收乾水,上碟。
如果越煎越出水,就表示隻鑊唔夠紅,唔係煎帶子係烚緊帶子。