2014年3月15日 星期六

南乳炆齋

南乳炆齋

 南乳炆齋每人方法都有不同,試試這食譜是否合大家心意!













               




 南乳炆齋


材料:

金針、雲耳、竹笙、草菰、冬菰、發菜、生根、豆卜,娃娃菜隨意


將乾材料浸發  
 

 材料浸軟後,將金針、雲耳,竹笙之硬蒂剪去

















竹笙切段,雲耳撕成小朵汆水,滴乾水備用 生根,豆卜汆水後用水喉水冲去油份,揸乾水













生根用抹手紙抹多兩次,將油吸淨



冬菰浸軟去蒂揸乾水份,
1/4茶匙生抽,
1/4茶匙糖,豆粉、油,用手撈勻
加入薑蒸15分鐘,備用

娃菜預先加1/4荼匙鹽鈔熟備用 


南乳 2/3 (我用大磚3X3)1/4茶匙糖搓爛


將搓好之南乳加水1湯匙攪勻
起鑊下油爆炒金針雲耳草茹,倒入己加水調勻之南乳爆香
爆鈔後下生根,豆卜,竹笙翻炒幾下,加入洗淨揸乾水之發菜,加入再煑三五分鐘,加入已預先蒸好之冬菰炒勻

 加入巳炒好之娃娃菜翻炒均勻,
可加入1/4茶匙鹽調味,
加蓋煑至汁乾大概5分鐘左右即成。

  小小心得:冬菰用味及生粉撈勻蒸過,會更滑,冬菰是不須煑太久的。


14 則留言:

  1. 百厭煮齋好求其,撈埋一碟炒熟就食,填滿個肚算數。
    講時講,上面個齋同百厭包起佢,咭咭!

    回覆刪除
    回覆
    1. 百厭:係五姐 究由自取,縱壞咗佢哋個口,攞個食物盒裝好齋啦!拎埋幾條金條~素春卷走啦!好食架!

      刪除
  2. 好吸引啊!除咗金針是我不食之外,哈哈!
    以前鄰居是一位拜佛的老太太,她煮的羅漢齋好好食,我近水樓台,每次她總做多些送給我們,現在她已返天家了,我們不能再有口福了。

    回覆刪除
    回覆
    1. 金針以前我都吾食,噉你有冇學佢點煮呀?

      刪除
    2. 冇呀,我當時覺得好麻煩,依家先知走宝。

      刪除
  3. 等我都學你煮個齋食下先。

    回覆刪除
  4. 原來煮齋都有咁多講究, 起碼我連浸冬菇都唔知要幾耐, 一般我會浸一個晚上, 唔知會唔會走哂啲味呢?

    回覆刪除
    回覆
    1. 一般幾個鍾已浸透,你用手揸下D冬菇便知浸透未,如果係大陸冬菇就要浸耐D,日本菇好快就浸好。

      刪除
  5. 唔怪得之整得咁好食,原來煮齋都有咁多步驟!

    回覆刪除
    回覆
    1. 多謝Philip!有次開大食會,我整尼個,都幾受歡迎,原來都好多人鍾意食齋。

      刪除