2014年2月27日 星期四

招牌雞~豉油雞~附食譜

招牌雞~豉油雞~附食譜
2011318日上午8:13公開累積瀏覽 1313
豉油雞是大爺及細少所愛,亦得到大爺認同稱之為~招牌雞
招牌雞~豉油雞~肉質嫩滑
材料:雞一隻
豉油汁材料: 生抽一碗
老抽半碗
片糖兩塊(可減至一塊,大爺喜甜味,所以用兩塊)
八角兩粒
薑數片
葱兩條
水兩碗半
酒兩湯匙
做法:將雞洗淨,用熱水拖一分鐘取出備用,用油稍爆薑葱,
加入豉油汁料煑至糖全部溶,
將雞放入汁料中,用熱豉油汁不停淋上,途中雞要轉身,雞肚內也要淋入豉油汁,這才內外都熱,大約30分鐘以上,至熟即可。

用豉油汁不停淋上
小小心得:豉油汁保持最小火,如見番滾便熄火,等一等再着慢火,一直保持豉油汁大熱接近滾但末滾,繼續淋上熱豉油汁,雞肚內也要淋入豉油汁,這才內外都熱,至熟即可。
可用竹簽插入雞脾無血水流出即熟。
如一直滚着來浸亦可,浸之時間相對可减小不過雞皮較易破裂。

16 則留言:

  1. 啲豉油雞汁用完可以再用嗎?
    而我的做法有些不同,只加多一包鹵水包,其它程序與做法一樣,用完攤凍放雪櫃留番下次。
    你做的豉油雞,我姊、我妹都是這樣做,所以知道係好好味呀!

    回覆刪除
    回覆
    1. 啲豉油雞汁放雪櫃留番下次可以再用,但要汪意小心豉油如果燶咗就不能再用,加多一包鹵水包當然可以,會有鹵水香味,係鹵水豉油雞,一樣好好食,但我覺得蓋咗豉油香味,其實各師各法,屋企人鐘鍾意食就係最好。

      刪除
  2. 軒姐:我的煮法和您差不多,不過,因我懶,淋幾淋,浸一陣,又淋幾淋,浸一陣咁就熄火焗熟就算了,下次試下您的方法先得,謝謝您的分享。

    回覆刪除
    回覆
    1. 小月:其實各師各法,屋企人鐘鍾意食就係最好!大家分享吓就會有更多嘅方法嘞!

      刪除
  3. 估唔到剩係不斷咁淋已經可以整熟隻雞!謝謝分享!

    回覆刪除
    回覆
    1. 其實最好梗係一大鍋去浸就慳水慳力,不過住家又點會用噉多豉油,噉又棍食滑雞,唯有保持著D豉油接近滾,咁淋法一定熟,其實最重要係嗰汁要好味!

      刪除
  4. 個範本安排同上面標題圖片,依家好得多。

    回覆刪除
  5. 又有活雞賣喇, 是時候整豉油雞了.

    回覆刪除
    回覆
    1. haha.........吾止豉油雞,貴妃雞,霸王雞,咸雞,炸子雞........有賣快手,睇政府個款遲早無活雞賣。

      刪除
  6. 又來入廚跟五姑娘學習烹調了!謝謝!

    回覆刪除
    回覆
    1. 秋葉姑娘客氣了,軒祗是將過程作記錄,未必便是正確,希望可以同大家交流吓啫。

      刪除
  7. Eva 您好, 借分享囉. 謝謝並祝週末愉快!

    回覆刪除
    回覆
    1. 古麟: 您好!隨便啦!週末愉快!

      刪除