2014年4月4日 星期五

齋鴨腎


齋鴨腎
     雖未試過做齋鴨腎,但知大概做法,買來麵筋試做,買錯長形麵筋,切開是一圈圈會散,失敗了,
            於是買了圓形麵筋再做,
又失敗,外層好硬內裏好腍,一點都不像街外的有點嚼勁,估計是炸得太久,再試今次外層不再硬,但仍是好腍,因為不好吃便無人問津,又捨不得倒掉,放雪櫃留待翌日自己哽,放涼一夜起了變化,且有意外驚起,質感變得似街外的有點嚼勁,於是作不同味道的嚐試,
   用义燒醬,老抽,糖試做一次,顏色不錯,較鮮明
再看清楚义燒醬有蒜蓉成份,真正茹素的朋友是不能吃蒜,味道又與一般齋鴨腎不大相同,做了多次掌握到一點竅門,一於用存統材料再做,

大爺話同街外買的差不多了,

材料:
圓形麵筋半斤
汁料:
老抽1湯匙
素蠔油1/2湯匙
砂糖2茶匙
麥芽糖2茶匙
水半杯
指天椒1隻(怕辣可不放)
素調味料1/2茶匙
做法:
麵筋切開為一開二,汆水3分鐘,撈起印乾水份,切大粒,放熱油中炸至硬身,取出備用,
將汁料煮滾,待麥芽糖煮溶,汁有小小杰身,放入炸好的麵筋不停翻動,至汁乾即成,並將指天椒棄之上碟,可淋少許麻油增香氣。
小小心得:麵筋炸的時候不要炸太久,硬身便要撈起,煮的時候亦無須太久,3-4分鐘便要收好汁上碟,因煮或炸的時間過久,便會好硬。汁易燶用易潔鍋較易掌握。煮好後不要即食,要放過夜才好吃,且更入味。



18 則留言:

  1. 軒姐, 真沒有多少嘢能難得倒你, 咁有心機, 咪整番杯同大爺嘆下咯.......

    回覆刪除
    回覆
    1. 如心:我吾係好叻,仲有好多噖吾識,仲學緊!熱食係吾似街買的質感,如果今次吾係意外放過夜,整幾多次都仲以為失敗,飲番杯係大爺,我吾識飲,不過我釀緊紅露酒,等釀好同大家分享。

      刪除
  2. 齋..齋...齋!好野,有得食嘞。

    回覆刪除
  3. 回覆
    1. 即使有師傅都冇可能教得哂,一定要靠自己去摸索去試,自古成功在嘗試嘛!

      刪除
  4. 成功多數要經過多番嘗試的!

    回覆刪除
  5. 非常支持你的研究精神!感受到你成功的喜悅,快D同大爺飲杯!

    回覆刪除
    回覆
    1. 多謝翠兒支持,成功咗真係好開心,不過我吾識飲酒,飲兩啖要瞓覺嫁。

      刪除
    2. 咭咭.....瞰都俾你諗到。

      刪除
  6. 好味,好想吃
    軒姐好有心機不放棄
    勁.

    回覆刪除
    回覆
    1. 失敗乃成功之母!吾試又點會成功!

      刪除
  7. 麵筋本身是怎樣造的? 如合弄出那麼筋?

    回覆刪除
    回覆
    1. 麵筋我未做過,但知道大概,係用麵粉加水反覆搓揉成麵團,反覆搓揉令麵粉中的蛋白質起筋,稍後再用清水再反覆搓洗,把麵團中的什質洗掉,剩下的便是麵筋,用水煮熟或蒸熟便是水麵筋。

      刪除