2016年5月29日 星期日

試戚風模

在淘寶買了個戚風模,收到才知大意買錯了普通高度,不是高身的,冇計!於是急急開壇試試 ,是否爬升得更好,
 真係升得好快,嘩!幾驚冇位再升!
唔升又唔高興,升得高又驚冇位會漏出來,
真矛盾!
雞手鴨腳小心奕奕地脫模,
幾驚脫爛呀!好彩完整!

2016年5月26日 星期四

水餃皮

    與大爺去飲茶點了水餃,
一吃便問:點解好似腳繭皮咁厚嘅?
軒:你食慣薄皮啫!
嘿嘿.......真係食米唔知價嘞!
就係這款餃子皮嘞!
早年在you tube有人介紹,於是去找來買,
皮比較薄,好吃,
較迷你一點,
比一般市面的普通水餃皮薄一半,
也貴好多倍,但實在好吃,
自始便買這水餃皮吃,貨比三家,
真的所言非虛!
UNY20.00
AEON15.9
SOGO卻賣24.9
不過AEON常斷貨,

遇上Aeon每月兩次的折扣優惠日,
想買真係難啦!
一見便買多一點,
可存放冰格,
也可包好放冰格,慢慢吃。
這個盒子因為矮身,
放餃子剛好,
慳地方呢!



2016年5月23日 星期一

白汁雞絲意粉

假期大家都晚起,又不願外出排隊進食,去雪櫃找找,有雞脾肉及鮮奶,又冇其他配料,在窗台剪點自家種的香草,煮個白汁雞絲意粉,雖然草草一餐,細少喜歡喎!煮白汁的時候不要一下子放下全部鮮奶,分幾次逐小放,白汁才不會起粒粒。

2016年5月18日 星期三

東施效顰~下

    死心不息又再試做,倒立去蒸,個面一定變平,不會鼓起,側放造型不會立體。
廚櫃有一個半圓模,拿來一試。
咭咭……得左,可惜仍有瑕疵,不夠完美,
近看有小小裂紋啊!
半圓模,
包子四面睇,
單手揸相機,對焦有點困難,是是旦旦啦!睇到就算嘞!
得一個模子,其他側放,做型不會立體,不過未知何故,一籠包子表面都光滑,沒問題,祗有這個用模子的包面有小小裂紋,可能是金屬傳熱太快,待有時間去物適另一個模子再試。



2016年5月17日 星期二

東施效顰

      和細少撐檯腳試了雜菌包後,因外型吸引,急急便試做,正在搓麵糰之際,卻接電話有要事外出,急急將麵糰放入雪櫃,辦妥要事回家後,已經要趕晚飯,於是急就章,將本來想做小巧的包,嗱嗱聲改做成兩個巨無霸磨菇造型,快點完工!下蒸籠的時候便發覺,擺放成了問題,貼邊位置便不夠圓,且蒸熟後蒂不能立正中,底部變成平面,人家的是在中央正立的,今次真是東施效顰。
    假如倒立去蒸,個面一定變平,不會鼓起,莫非有些特別工具?死心不息,要再試!
待續..........

2016年5月15日 星期日

撐檯腳

早前與朋友茗茶發現了新大陸~『華膳正點』,
點心精緻且有驚喜,
價錢也合理,
細少有幾天特別假期,
一於同個小情人去撐檯腳。
外層是軟滑的紅米漿腸粉,
中間脆脆的一層包裹了海鮮,
熱辣辣的好正!
上次吃過今次再點。
鮑魚燒賣隻鮑魚其實好細隻,
跟燒賣大少一樣,$48一籠
蝦餃皮薄餡靚
精緻的雜菌包,餡比較少了一點
我怕肥,淺嗜好了,兩人共吃一杯。
貼滿客人寫的食評
『華膳正點』在佐敦道近德興街,
斜對面是商務書局
茶錢每位六元,
免加一,免小費,
侍應服務也好,兩人承惠175元。
原來晚上有小菜吃,有機會要去試試。



2016年5月12日 星期四

富貴批

    最近做雞批,如心提議做鮑魚批,吓?咁富貴?如心話那時候的急凍鮮鮑不怎麼貴的!做素批翠兒也提議用素鮑魚,兩位都提議鮑魚,一於要試,但孤陋寡聞莫說吃,連見都未見過怎做呢?上網祗有酒樓的照片,一是批面有隻鮑魚,一是沒有批面,整個批可見全部食材,後者會更吸引。找了多天唯一食譜介紹是大少奶's Delicatessen,參考後試做。

2016年5月9日 星期一

素菜批

    做雞批的時候記起大哥吃素,便試做一下素菜批,但軒一向不愛吃素的合成品,可能吃不慣總是覺得不好吃,用蔬菜菇類仍有天然的清甜,所以我煮素很少考慮用素的合成品。第一次試做全軍覆沒,無法脫模,爛哂!估計是菇類易出水的原故,但餡的味道不錯,死心不息捲土重來,咭咭……得左!今次成功脫模,易如反掌。但可惜餡多了一點,有剩少許,大約可做8 個批,要計算一下減些材料配合六個批皮了。



放入餡料,
蓋上批面,邊緣用手按實,面用刀界上紋,
掃上蛋液,
焗爐預熱,用220度放下層焗25分鐘至面金黃,掃上粟膠或蜜糖再焗3-5分鐘即成。
大爺不喜歡吃素,於是提着素菜批去敲鄰居的門,請幫忙做試食官,我認為白汁可以再多一點,但試食官話如果即食是可以白汁多一點,但如果稍凍進食,多汁會快腍,認為個汁己經可以了,軒覺得蛋撻,芝士撻,雞批之類的食品都是出爐即吃是最佳,不太適合作拌手禮,一來一往已腍了。今次無法試驗凍後結果,因為鄰居有一個三歲的孫仔,一向不吃蔬菜的,吃了半個批還要再進一個,認真俾面,很快全數消了。

2016年5月2日 星期一

雞批

    未試過做雞批,於是買料試做,預備做好等大爺回來試食,
再掃上蛋液便可入爐,
陣陣香氣飄出,
大爺已回來了問:仲有幾耐食得?
軒:等多幾分鐘至出爐。
幾分鐘後出爐,
大爺問:食得未?
軒:未!要等多陣至脫得模。
大爺:得未呀?
軒:咁熱點脫模呀!
大爺:幾時至食得,等幾耐呀?得未呀?..........問完又問,
哎吔!怕米貴呀!
嗱嗱聲未脫模即刻影相,熱死辣辣去脫模,唉!催到失魂,雖然我隻手手皮夠厚,但實在太熱終於脫爛了兩隻,那邊廂敝嘞!大爺燙到個嘴呀!因大爺一向不吃熱辣辣的食物,現在出爐不久便往嘴送 ,今次真係食左補唔番呀!
雞批除了雞肉,可以加其他食材,我喜歡吃磨菇,所以減了肉加磨菇。
批皮材料:7cm6
牛油90
糖霜40
中筋粉150
蛋黃半隻
餡:
雞脾肉130
磨菇70
鮮奶120ml
麵粉1湯匙
牛油10
芝士粉半湯匙
酒半湯匙
黑椒碎隨意
調味料:
1/4茶匙
雞粉1/2茶匙
饀做法:
磨菇切片用白鑊鈔至無水份備用。
雞肉切粗粒,加醃料拌勻,下黑椒碎及雞肉稍爆炒,灒酒,備用。
白鑊稍炒麵粉至微黃,下牛油拌勻,將鮮奶分數次下,每下一次要拌勻才再下第二次,慢慢推成無粉粒之白汁,下雞肉及蘑菇推開至熟,下芝士粉拌勻雪凍成餡。
皮批做法:
牛油切成小粒,皮材料全部加入用手搓勻成麵糰,稍雪半小時,分成六份批底約301份,六份批底約181份。
用兩指沾小許高筋粉把粉糰按好成批底,放入餡料,蓋上批面,邊緣用手按實,面用刀界上紋,掃上蛋液,焗爐預熱,用220度放下層焗25分鐘至面金黃即成。
小小心得:白汁要用慢火煮,黑椒爆炒過會更香,但小心不要爆燶,否則會有苦味。