2015年1月9日 星期五

金盞花手工皂


金盞花手工皂~一塊塊小金磚
做手工皂的時間並不多,等皂造化及晾乾的時間卻久,須時四至八星期,而金盞花浸油最少一個月才可用,今次將浸了兩個月的金盞花,做好了皂又等了一個月,等到頸都長,終於可以用了,非常滋潤,由於是試驗配方性質,不敢做太多,祗做500克油量。一連做了多款手工皂,請朋友試用,回應是我的手工皂比市面出售的更正,但卻不耐用,終於在材料店遇上教手工皂課程的老師,請教下得知原因,自家制當然落足料,下的油是靚油,怎可與圖利的相比,但如果要耐用可多下椰子油,令皂硬身便可達致耐用,但椰子油太多會傷皮膚,與自家制的原意背道而馳,那便堅持原則,要靚皂!
可按入計算方法
金盞花油150(用橄欖油浸一個月以上)
椰子油100
棕櫚油100
甜杏仁油75
酪梨油75
淨水169
naoh73
超脂乳油果木脂25
添加物:
乾金盞花3
天竺葵精油10

油總量500


攪拌時間50分鐘,超脂十分鐘入模。

                           成條金磚
           今次金盞花手工皂是做了多款手工皂中,成本最高的一款。

42 則留言:

  1. 會難做嗎?好似都幾好玩咁呢!

    回覆刪除
    回覆
    1. 我都是初哥,易學難精,如果初試做便先試一些基本皂,失敗都冇噉肉痛。尼款都幾多錢架。

      刪除
    2. 成條金磚咁...一定好直錢啦!^^

      刪除
    3. hehe........不過係假金磚!

      刪除
    4. 哈哈!假得來有D刺眼呀!所以...心心唔覺意打錯字囉!SORRY呀!係 ( 值錢 ) 先啱....................^^

      刪除
    5. 唔駛介意,個個都會打錯字,由其用手機仲易錯。

      刪除
    6. 嘻嘻....................^^

      刪除
  2. 識得你就好,有得食時又有得用,仲係最好同最有愛心個種!超讚!

    回覆刪除
    回覆
    1. 如心:其實係多謝班朋友不縑棄,上了年紀有時好多嘢要戒口,噉送手工皂實際得多。我會試多幾款,搵到一個好配方可做來送人作生日禮物。

      刪除
  3. 好靚呀!我一睇圖片,仲以為桂花糕添!流晒口水,失禮失禮!哈哈!

    回覆刪除
    回覆
    1. 多謝翠兒!咭咭..........呢嚿桂花糕幾貴,我用了手工皂半年,今年手腳有明顯改善,暫時未見有濕疹出現,老媽用過過好正。

      刪除
  4. 上次你送亞嫂嗰塊都未用,好珍貴保存!

    回覆刪除
    回覆
    1. 大哥:多謝大嫂對亞五的愛護重視!這也是因為大哥的緣故~愛屋及烏!打皂原來好多學問,雖然成皂,但時間與溫度變化,好易起白粉,雖然不影響品質,但不美觀,亞五追求完美,一定要找到竅門,試得多點都會有點心得,相信俾啲時間,便會掌握到。

      刪除
    2. 我都係唔捨得用。
      呢款金盞花手工皂 靚到好以美點咁,簡直是極品!

      刪除
    3. 宗姊,飛仔百厭第一眼睇落去個心就諗,甜品?又冇我份?

      刪除
    4. stella:多謝你的欣賞,我仲摸索緊,因很易起白粉,雖然對品質冇影響,但唔美觀。

      刪除
    5. 大哥:就係知你要戒甜,所以要諗過第二樣嘢做你生日禮物。

      刪除
  5. 哈哈!我初睇都以為係桂花糕呀,您真有心思!

    回覆刪除
    回覆
    1. 因為啲金盞花有點似桂花,所以誤導了大家,咭咭......

      刪除
  6. 如果將皂的配方內水份減少,由2~3倍水減至2.3倍,是可以令皂更堅實,更耐用,是不用加重椰子油的

    回覆刪除
    回覆
    1. 非常多謝您的指導啊!我祗是用網上的圖表計算,也不知是否合適,但按圖表計算出來我都是用2.3倍水,有說可不低於1.5倍水,請問是否可行呢?

      刪除
  7. 回覆
    1. 咭咭....個個都以為食得吧嘅!不過呢幾嚿嘢貴過蘿蔔糕好多!

      刪除
  8. 我看過你的配方,
    金盞花浸泡油150克
    甜杏仁75克
    酪梨75克
    超脂乳木果25克
    水份應是100克(何解你是169克,水份過多,皂會軟,不耐用)
    NaOH~~73克,也不對,應是44克,過多會令皂PH值過強,要擺放起碼2個月才可以用呀!
    而整體INS值是104也是過軟的,正常亦是120至140之間,除非你是給BB用的皂。
    畧加些椰子油,不超過總油量百分之20,可增加泡沫,対皮膚也不會傷害的,且會使皂更耐用。

    回覆刪除
    回覆
    1. 謝謝你的指導,原來我打漏了棕櫚油100克,椰子油100克,即各佔20%,現已更正,我沒有去上課,不懂計算,祗是在網上找資料,有現成換算表,將所有材料份量套入而自動計算,而亦因怕ph值不合用,我用試紙試過不超過9才敢用,請問補上棕櫚油及椰子油各100克是否上面的Naoh與水份都正確?換算表計算結果是硬度143,請再賜教為盼!

      刪除
  9. 整體來說你是初哥,做出這皂也是不錯的,可給你一讚。��

    回覆刪除
  10. 非常感謝您不縑其煩的指導!再謝!

    回覆刪除
  11. 軒姐精益求精,我那塊手工皂都係唔捨得用,每每拿出來欣賞咋!

    回覆刪除
    回覆
    1. 噉唔識係要整多幾次至會好喲,用左佢啦!下次見面再送過。

      刪除
  12. 請問這個金盞花皂配方,倒到模之後要放到哪裡比較好?要存放多久才可脫模?脫模後要放哪裡?放一個月後可用了嗎?很多問題,先謝謝!

    回覆刪除
  13. 有人放入保溫箱,可以找一個發泡膠箱代替,即街市放菜或水果那種,或者用細紙盒,加些毛巾報紙之類保溫都得,也可以買一個連木盒的模,要放多久脫模要視乎情況,用手觸摸不黏手才可脫模,最少都要一兩天才脫模,有時甚至一星期,脫模後放陰涼地方晾乾,最少一個月才可用,有些配方甚至兩個月才可用,可用試紙測試,ph不過9才可用。如果你是新手建議先做一些普通配方,這個配方比較貴,失敗會好肉痛。

    回覆刪除
  14. 多謝你,請問可分享簡單的配方嗎?另外這個金盞花皂配方的甜杏仁油可以用月見草油代替嗎?因為我小朋友濕疹,佢對杏仁敏感,所以想睇下可唔可用其他油替代,唔該哂你!��

    回覆刪除
    回覆
    1. 我都是初哥,並非專業,我可以分享的簡單配方如下
      材料:
      橄欖油 420克
      椰子油 100克
      棕櫚油 80克
      naoh87克
      水199克
      但聽說淋浴露內含的化學品太多,而其中有些誘發濕疹的至敏源,而手打皂沒有那種至敏源,便有效,否則一樣冇效,視乎自己對那類至敏源有問題,以我個人經驗,除了用手打皂外,要用保濕度高的護膚,據說紫草根對濕疹都好有效,我有做過,你可參考http://evakam51.blogspot.hk/2015/11/blog-post_15.html

      刪除
  15. 回覆
    1. 不用客氣,大家研究研究。

      刪除
  16. 請問這個金盞花配方,我可以用月見草油代替甜杏仁油嗎?謝謝!

    回覆刪除
    回覆
    1. 我不是打皂專家,在計算配方的網頁找到資料如下:
      起泡細小、滋潤度高。
      適合中年以上的婦女,富含近90%的多元不飽和亞麻油酸及次亞麻仁酸,又被稱為維他命F,是構成細胞膜的基本單位,因此對肌膚細胞有保護及重建的功效,能滲透至細胞間,強化細胞的緊密度,非常適合成熟性的肌膚。另外此油尚有抗炎、抗濕疹,皮膚病的特性,對過敏性皮膚炎及乾性肌膚亦適合。
      價格較昂貴,但含有寶貴的護膚功能,像:改善溼疹、 消炎、 軟化皮膚……等等的功能。尤其適合老化及乾燥皮膚,只需要使用一點就有相當的效果;是屬於軟性油脂且沒什麼泡沫。月見草也稱做晚纓草,價格非常昂貴,它所含有的羊毛脂肪段成份使它具有寶貴的護膚功能。重點是修護功能。不適合做皂,若要使用以15g就好,並一起做時加入,不要superfatting.以做乳液尤佳,非常好的抗疤產品,適合與昆士蘭果油搭配使用。請冷藏
      r-次亞麻仁油酸其應用包括血液循環不良、減少血塊、濕疹及其他乾性肌膚有關的問題。月經疼痛、消化不良、神經失調均可。
      希望可以幫到你。

      刪除
    2. 以上資料是月見草的功能,顯示不適做皂。

      刪除
  17. 請問打好的皂加超脂乳木果後,要再打多久才可入模?謝謝!

    回覆刪除