2014年4月1日 星期二

補身食品~咸雞焗飯~附斬雞方法~上


    
       老父肺炎痊癒後,想吃點食療補身,但有痛風症,很多食物不能吃,雞肉是白肉可以吃,尤記廿年前我做大手術,有一客家人朋友教了一簡單
方法補身,就是焗咸雞飯,當年我就是靠此飯復元,
於是教母親焗飯給老爸,但今次稍加改動,果然見效。
                                                
 咸雞
材料:光雞一隻
            薑數片
醃料:粗鹽適量
      生抽 2 茶匙
      老抽 1 茶匙
做法:將雞洗淨抹乾水,用醃料搽勻雞身內外醃兩小時,將薑片放入雞肚內,
大火蒸十五分鐘,此時雞未熟透,將汁倒出放入雪櫃雪至凝固,
雞可以吃多小斬多小,亦可一次斬好所有雞件。
待飯差不多跳制,放入雞件,放吃的份量,至飯熟焗一會,
將雪櫃內之凝固雞汁取出,將油脂除去,加小許雞汁入飯中,便成咸雞飯。
        當年客家朋友教,雞蒸至七成熟,因手術怕肥將雞汁倒掉,我覺可惜,因而今次將雞汁改放雪櫃雪至凝固,便可非常容易除油脂,亦加上生抽老抽,令飯更美味,當年因大手術醫生囑咐,兩三個月不能做家務、不可煮飯、不可提重物、不可用力,真是開天大的玩笑,我無傭人啊!莫非要吃西北風,傷口痛無法站立太久,更無法烹調太多,廳中變成掛萬國旗的地方,細少當年還是小學生,星期日拿着便條替我買菜和肉,我用椅子叠高坐着洗菜切肉,用手按着傷口以龜速去雞檔買雞,檔主見我面如死灰,着我每次先打電話,她劏好拿出街市外給我,當然要等下午較小顧客時段,那我可小行一段路,實在感激!
雞蒸熟請鄰人替我一次過斬好雞件存放冰櫃,每天挾幾件放飯面,
怕傷口有肉芽,連薑也沒有放,天天咸雞飯,雖一點藥材、炖品也沒吃過,
卻康復得很快,就此渡過一段手術後的艱辛生活。
今次老父沒傷口,所以加了點薑及生抽老抽作調味。
有朋友說不懂斬雞,我斬雖算不上專業,但總算砌回一隻雞,方法下篇再續


13 則留言:

  1. 謝謝你教這個補身食療法,我會試做的。

    回覆刪除
  2. 隻雞斬完之後,都排得好好,似番隻雞樣!

    回覆刪除
  3. 軒姐:
    今日好煩, 買部新ipod 點知回應不到, 要開電腦至得,
    我後來發覺原來有我的頭像出現的才可以覆到人, 而你的網誌只有發表留言的身分: (Google) 這樣就辦不到......

    回覆刪除
    回覆
    1. 心如兄:可能係未熟習啫,係吾係個個回應到要在電腦呢?定淨係我噉?我因為想用五味軒去覆留言,所以同google+分咗家,好多blog友都係同google+分咗家,但我係剔咗任何人都可以留言,google都係問題多多,我喺weshare開嘅儲蓄倉又係吾多好玩,真係搞到冇心機。

      刪除
    2. 我係如心呀, 軒姐, 我都話我會俾金剋, 不嬲用開 ipod 都冇問題, 但今次好黑仔, 除咗我認為係apple 同 google 之間的軟件出現衝撞外, 又可能本身apple 自家 ios 系統有問題導致crash , 所以常出現上唔到網, 或回應不到尤其是我所說的(看不到我頭像) 網誌......
      謝謝關心......

      刪除
    3. 我睇到你的頭像喎,係咪又得番呀!電腦我係白痴,真係吾知點搞!黑完啦!吾會再累啦!

      刪除
  4. 這種不太繁複卻有療效的方法,值得推介!

    回覆刪除
    回覆
    1. 在當時手術都算幾大,要在脊椎骨打了嗎啡針,噉大人吾食小朋友都要食,多謝朋友介紹尼個簡單卻有效的方法,全靠食咸雞飯復原,一定要推介給大家。

      刪除
  5. 雖然重復再看, 一樣覺得有得著 ! 謝謝 ! ^^

    回覆刪除
    回覆
    1. 多謝芹菜欣賞,無辦法之下唯有慢慢搬。

      刪除