2014年4月18日 星期五

畢生難忘2013(下)~大軍壓境延續篇


那段日子頗辛苦,為了份量的準確,不停的試菜,更要安排菜式拍攝的流程時間表、買食材、洗切、執碼、埋爐、執拾打掃、寫稿,更要小心核對材料不能遺漏,無人可代勞補買,祗得自己〝一腳踢〞!期間巧遇寒流襲港,雙手浸在如冰的水中洗食材,每天拍攝便如在戰場,混亂不堪,最高記錄是一天煮十四個菜,廚房簡直亂七八糟 ,如不馬上清洗用具,便無地方安放食材和器皿用具,洗到十指指甲盡斷,雙手粗糙如砂紙。

 攝影師全神貫注在拍攝


這是晚上稍作執拾的一小角,僅留小小通道進房間。

難為了大爺放工回家,遍地器材與物品,想進房中休息,卻寸步難行,祗能在廚房門外方圓幾呎踱步,軒俏聲耳語著大爺外出蹓躂或吃個下午茶,多謝大爺的體諒,忍耐與包涵!
    細少全力支持,出謀獻策,老來從子,一切當聽從細少的意見。每天拍攝後的餸菜太多無法善後,細少找得一班朋友義助,答應接收放了數小時,冰凍過氣的餸菜,細少負責運送,才解決此問題。
    多謝海濱圖書公司所有工作人員鼎力協助,終於書本已進入排印階段,希望很快可以面世與大家見面!


29 則留言:

  1. 嘩!五姐,幾多點呀!成十二點幾仲未瞓,唔好累壞呀!

    回覆刪除
    回覆
    1. 百厭真有五姐心!五姐都知累壞會生病,但近年常失眠,有時三四點還未入睡。

      刪除
    2. 雖然話年長唔需要瞓咁多,百厭就幾大都爭取時間午睡一小時,即使十五分鐘都好格。

      刪除
    3. 你講得啱,即使十五分鐘都好,以前工作就係靠喺巴士恰尼十五分鐘,就好似上足電,可以捱落去,以前成日想可以瞓餐飽嘅,而家任瞓就瞓吾著,你話五姐係吾係賤骨頭呀!瞓吾著又胡思亂想,噉就更加瞓吾著。不過好彩吾係晚晚瞓吾到。

      刪除
  2. 有沒有附上影碟或USB 㗎?好想早啲拜閲⋯⋯

    回覆刪除
    回覆
    1. 如心:沒有附上影碟或USB ,拜閲~真係吾敢當,祇是一本普通食譜書,已經排印,相信好快可以面世。

      刪除
  3. 得到家人支持去完成自己的理想是多麼幸福的事。 ^^

    回覆刪除
    回覆
    1. 得到家人的支持是重要的動力,如果大爺吾答應,我係吾敢應承。

      刪除
  4. 真係好辛苦!好感動!有屋企人全力支持,雖然辛苦但心情輕鬆!羨慕!!

    回覆刪除
    回覆
    1. 翠兒:我雖然硬骨頭,但不境年紀有番噉上下,一腳踢的過程真係辛苦,如果屋企人吾支持,好難有動力去完成。

      刪除
  5. 軒軒:努力!加油!除了你的家人外,你還有我和一班愛戴你的blog友支持您咖!

    回覆刪除
    回覆
    1. 多謝小月!說句心底話,如果不是有大家的愛戴與支持,火災後已停寫了,實在多謝大家一直對我的愛戴與支持!

      刪除
  6. 軒姐器皿用具,都系私伙架,好的菜式也要有合式器皿盛放
    ,精心擺設,個人十分佩服,你家真幸福

    回覆刪除
    回覆
    1. 非也,這是出版商,第一天送來的幾箱物品,其中部分,載食物前要洗,拍攝完又冼,加上自己的用具,食材,洗到手軟。

      刪除
  7. 你辛苦過後的成果一定是甜的!

    回覆刪除
  8. 點解改唔返grace Tang,唔識。
    遲D教我,今日去街。

    回覆刪除
    回覆
    1. 吾怪得你話嚟留過言啦!我認得tfk543呀!kaka..........

      刪除
  9. 軒姐原來咁叻出食譜書
    勁喎

    回覆刪除
  10. 恭喜晒!辛苦你!最大收獲是家人支持!好祈代你的心血結晶。

    回覆刪除
    回覆
    1. 多謝惠惠!除了家人的支持,你哋嘅支持都好重要架!已經排印,我諗都好快啦!

      刪除
  11. 軒姐好 , 久未到訪 ,以為去錯地方 ,咁多嘢嘅?原來在忙着. 恭喜大作快要和大家見面.

    回覆刪除
    回覆
    1. 多謝十二月兄!相信本新書好快就面世了!

      刪除
  12. 經過艱辛的過程,你才會領略到成功的樂趣以及滿足! 恭喜!恭喜!

    回覆刪除
    回覆
    1. 多謝Philip!你說得對,經過艱辛的過程,特別領略到其中的樂趣!

      刪除
  13. 支持軒姐 ! 快啲出版啦 !!

    回覆刪除
    回覆
    1. 多謝太王支持!一出版即刻通知大家!

      刪除