焗叉燒
家中爐具壞了一個爐頭,裝修的時候師傅介紹下,沒有用煤氣公司的爐具,但現在所用的煤氣爐型號已停產,因為是嵌入式,不是每款爐具合用,而當年個師傅沒有留空位便裝入爐具,由18吋鑊要改用14吋半鑊,我已非常激氣,現在爐壞了,想用煤氣公司的爐具免卻下次更換的麻煩,但煤氣公司規定爐要離牆3吋,煤氣公司所有爐具都不能安裝,非常煩惱,幾天不停去找爐具,希望可以找到有存貨,幸最後找到一個存貨,等更換需時,這幾天祇好借助焗爐,及一些方便餸。平常做叉燒,多用鑊去做,是豉味的,今次試做與街外買的叉燒較甜味,各有千秋,不同口味而矣!自家做選料好,用新鮮肉做,又熱騰騰出爐即吃,鮮味更勝燒臘店。
材料:
梅頭肉1斤
麥芽糖2湯匙
水1湯匙
調味料:
生抽6 1/2湯匙
砂糖7湯匙
五香粉1茶匙
幼鹽2 茶匙
玫瑰露酒2茶匙
薑汁1 1/2湯匙
紅麴粉3/4茶匙
做法:麥芽糖及水坐溶成麥芽糖水備用。
梅頭肉請肉販切成兩塊,洗淨抹乾水份,下調味料拌勻,可放雪櫃醃過夜,焗爐250度預熱十分鐘,將梅頭肉放入,用230度焗30分鐘,中途反面一次,兩面塗上麥芽糖水再焗5分鐘即成。
小小心得:
用白鑊炒幼鹽1湯匙至微黃下五香粉1/2茶匙,炒香即成淮鹽。
視乎肉的厚薄調節焗的時間,用筷子可穿過便熟。
如果想吃如街外甜味一點的义燒,麥芽糖水可改用糖漿,出爐後可再掃多次糖漿。
焗盆墊錫紙,放一點水,可方便清潔爐盆。
焗梅頭
回覆刪除梅頭肉
刪除用料很專業,一定很美味!
回覆刪除算OK啦!勝在新鮮。
刪除自家製,唔用花紅粉,健康好多!
回覆刪除紅麴粉顏色不差,自家制勝在是新鮮肉。
刪除用梅頭做叉燒就最好食,如果搵到舊肥少少仲好!
回覆刪除對呀!太瘦唔好食。
刪除軒姐,你打嗰個义燒個「义」好似係「義」的簡體字呀?真正寫法係叉燒,唔好意思!
回覆刪除如心:多謝你提醒,即改!再謝!
刪除這個叉燒望見都想食。
回覆刪除細少話ok啦!
刪除哗,要好多配料,甘好心機,一定好吃。正呀!
回覆刪除謝謝到訪!多謝讚賞,其實都是一般醃料,勝在係新鮮肉又熱辣辣,好食過燒臘檔。
刪除