未試過做雞批,於是買料試做,預備做好等大爺回來試食,
再掃上蛋液便可入爐,
陣陣香氣飄出,
大爺已回來了問:仲有幾耐食得?
軒:等多幾分鐘至出爐。
幾分鐘後出爐,
大爺問:食得未?
軒:未!要等多陣至脫得模。
大爺:得未呀?
軒:咁熱點脫模呀!
大爺:幾時至食得,等幾耐呀?得未呀?..........問完又問,
哎吔!怕米貴呀!
嗱嗱聲未脫模即刻影相,熱死辣辣去脫模,唉!催到失魂,雖然我隻手手皮夠厚,但實在太熱終於脫爛了兩隻,那邊廂敝嘞!大爺燙到個嘴呀!因大爺一向不吃熱辣辣的食物,現在出爐不久便往嘴送 ,今次真係食左補唔番呀!
雞批除了雞肉,可以加其他食材,我喜歡吃磨菇,所以減了肉加磨菇。
雞批除了雞肉,可以加其他食材,我喜歡吃磨菇,所以減了肉加磨菇。
批皮材料:7cm模6個
牛油90克
糖霜40克
中筋粉150克
蛋黃半隻
餡:
雞脾肉130克
磨菇70克
鮮奶120ml
麵粉1湯匙
牛油10克
芝士粉半湯匙
酒半湯匙
黑椒碎隨意
調味料:
鹽1/4茶匙
雞粉1/2茶匙
饀做法:
磨菇切片用白鑊鈔至無水份備用。
雞肉切粗粒,加醃料拌勻,下黑椒碎及雞肉稍爆炒,灒酒,備用。
白鑊稍炒麵粉至微黃,下牛油拌勻,將鮮奶分數次下,每下一次要拌勻才再下第二次,慢慢推成無粉粒之白汁,下雞肉及蘑菇推開至熟,下芝士粉拌勻雪凍成餡。
皮批做法:
牛油切成小粒,皮材料全部加入用手搓勻成麵糰,稍雪半小時,分成六份批底約30克1份,六份批底約18克1份。
用兩指沾小許高筋粉把粉糰按好成批底,放入餡料,蓋上批面,邊緣用手按實,面用刀界上紋,掃上蛋液,焗爐預熱,用220度放下層焗25分鐘至面金黃即成。
小小心得:白汁要用慢火煮,黑椒爆炒過會更香,但小心不要爆燶,否則會有苦味。
小小心得:白汁要用慢火煮,黑椒爆炒過會更香,但小心不要爆燶,否則會有苦味。
好香呀,隔住個"芒"都聞到呀,我第一,有得食.
回覆刪除多謝小月!咁賞面一定有得食!
刪除以前某五星級酒店扒房有一道精彩高級菜色,屬於頭盆類,咁你估係乜?哈哈…原來係鮑魚批。
回覆刪除咁下次你咪整俾大爺同你公子試下啦,但記住唔好太熱食呀!
哈哈.........用鮑魚做批,咁富貴?
刪除那時候的急凍鮮鮑不怎麼貴的!
刪除成隻定切粒?
刪除D對白好精彩呀!我隔咁遠都聞到香味呀!
回覆刪除多謝翠兒!D對白係真人真事呀!
刪除我當然知道係真人對白啦,好溫馨呀!
刪除大爺有時好似個小朋友咁!
刪除香的誘惑,大爺是抵受不住你製造的誘惑!咭咭!
回覆刪除咭咭......係佢肚餓啫!
刪除個個都學百厭嘅「招牌笑」,要諗諗改下至得.... 咭咭!
刪除咁你係我大哥,Stella係你宗姐,同一族用咭咭係應該嘅,係咪?咭咭.......
刪除哈哈,實在太吸引!大爺下次小心啲呀!
回覆刪除哈哈......大爺真係失禮嘞!
刪除賢妻入廚樂,夫君好食神!
回覆刪除咭咭......燙到個嘴食左都補唔番呀!
刪除來兩個磨菇批,唔急,慢慢做費事辣親你對手....
回覆刪除大爺真有福氣嘞
我點會忘記大哥!其實我有做過素批,用磨菇,鮑魚菇,粟米,甘筍,芹菜加白汁,個味係好好,但可惜菇類易出水,結果甩唔到模,隔夜腍哂,我仲諗緊方法。
刪除試下用素鮑魚、素火腿,用少D菇就乾D。
刪除翠兒:你的提議是好,一定冇咁出水,但素鮑魚素火腿,素乜素物我買過,一啲都唔好食,就算去素菜館食都係唔好食,純素菜反而有菜香甜,翠兒,你估加粉絲得唔得呢?
刪除我都好少買素乜素物黎食,但我買過一次素鮑魚又幾好食,係恆昌買大隻的素鮑魚,切細當雞粒炒洋蒽磨菇,我整吾會加粉絲,煮得乾身一點便可。幾年前吃這個素鮑魚幾好味http://weshare.hk/129shuen/articles/1702644
刪除十幾二十年前有朋友介紹素鮑魚,去買斷貨,以為一定好嘢啦!等到有貨便買了好多隻,成隻當真鮑魚煮,點知全家都話好難食,最後切粒加其他肉混少少素鮑魚炒飯同炒餸,食左好耐至哽哂,之後一直都唔敢再買,但咁耐有冇改良就唔知嘞,炒乾身是可以好啲,但雞批一定要多汁至好食,唔夠汁就扣哂分,這是問題所在。我加過素雞落餡到試味,唔夠淨素菜咁好味,所以至用淨蔬菜類,不過可能係我唔食慣啲素乜素物啦,食齋嘅朋友都係咁食,可能佢地會覺得好味,但亦有一位食了二十多年長齋嘅朋友同我講,佢以前都係食素乜素物,但近年已唔再買,因為是合成品,盡量少食。等有時間再試下,但唔可以整得多,大爺唔鍾意齋架。
刪除軒姐:你下次早D整雞批,等大爺一返來就有得食。大爺有食神。
回覆刪除我下次早少少整好,放焗爐低溫烘住保溫。
刪除磨菇雞批
回覆刪除對!
刪除