2016年5月2日 星期一

雞批

    未試過做雞批,於是買料試做,預備做好等大爺回來試食,
再掃上蛋液便可入爐,
陣陣香氣飄出,
大爺已回來了問:仲有幾耐食得?
軒:等多幾分鐘至出爐。
幾分鐘後出爐,
大爺問:食得未?
軒:未!要等多陣至脫得模。
大爺:得未呀?
軒:咁熱點脫模呀!
大爺:幾時至食得,等幾耐呀?得未呀?..........問完又問,
哎吔!怕米貴呀!
嗱嗱聲未脫模即刻影相,熱死辣辣去脫模,唉!催到失魂,雖然我隻手手皮夠厚,但實在太熱終於脫爛了兩隻,那邊廂敝嘞!大爺燙到個嘴呀!因大爺一向不吃熱辣辣的食物,現在出爐不久便往嘴送 ,今次真係食左補唔番呀!
雞批除了雞肉,可以加其他食材,我喜歡吃磨菇,所以減了肉加磨菇。
批皮材料:7cm6
牛油90
糖霜40
中筋粉150
蛋黃半隻
餡:
雞脾肉130
磨菇70
鮮奶120ml
麵粉1湯匙
牛油10
芝士粉半湯匙
酒半湯匙
黑椒碎隨意
調味料:
1/4茶匙
雞粉1/2茶匙
饀做法:
磨菇切片用白鑊鈔至無水份備用。
雞肉切粗粒,加醃料拌勻,下黑椒碎及雞肉稍爆炒,灒酒,備用。
白鑊稍炒麵粉至微黃,下牛油拌勻,將鮮奶分數次下,每下一次要拌勻才再下第二次,慢慢推成無粉粒之白汁,下雞肉及蘑菇推開至熟,下芝士粉拌勻雪凍成餡。
皮批做法:
牛油切成小粒,皮材料全部加入用手搓勻成麵糰,稍雪半小時,分成六份批底約301份,六份批底約181份。
用兩指沾小許高筋粉把粉糰按好成批底,放入餡料,蓋上批面,邊緣用手按實,面用刀界上紋,掃上蛋液,焗爐預熱,用220度放下層焗25分鐘至面金黃即成。
小小心得:白汁要用慢火煮,黑椒爆炒過會更香,但小心不要爆燶,否則會有苦味。



28 則留言:

  1. 好香呀,隔住個"芒"都聞到呀,我第一,有得食.

    回覆刪除
    回覆
    1. 多謝小月!咁賞面一定有得食!

      刪除
  2. 以前某五星級酒店扒房有一道精彩高級菜色,屬於頭盆類,咁你估係乜?哈哈…原來係鮑魚批。
    咁下次你咪整俾大爺同你公子試下啦,但記住唔好太熱食呀!

    回覆刪除
    回覆
    1. 哈哈.........用鮑魚做批,咁富貴?

      刪除
    2. 那時候的急凍鮮鮑不怎麼貴的!

      刪除
  3. D對白好精彩呀!我隔咁遠都聞到香味呀!

    回覆刪除
    回覆
    1. 多謝翠兒!D對白係真人真事呀!

      刪除
    2. 我當然知道係真人對白啦,好溫馨呀!

      刪除
    3. 大爺有時好似個小朋友咁!

      刪除
  4. 香的誘惑,大爺是抵受不住你製造的誘惑!咭咭!

    回覆刪除
    回覆
    1. 咭咭......係佢肚餓啫!

      刪除
    2. 個個都學百厭嘅「招牌笑」,要諗諗改下至得.... 咭咭!

      刪除
    3. 咁你係我大哥,Stella係你宗姐,同一族用咭咭係應該嘅,係咪?咭咭.......

      刪除
  5. 哈哈,實在太吸引!大爺下次小心啲呀!

    回覆刪除
    回覆
    1. 哈哈......大爺真係失禮嘞!

      刪除
  6. 賢妻入廚樂,夫君好食神!

    回覆刪除
    回覆
    1. 咭咭......燙到個嘴食左都補唔番呀!

      刪除
  7. 來兩個磨菇批,唔急,慢慢做費事辣親你對手....
    大爺真有福氣嘞

    回覆刪除
    回覆
    1. 我點會忘記大哥!其實我有做過素批,用磨菇,鮑魚菇,粟米,甘筍,芹菜加白汁,個味係好好,但可惜菇類易出水,結果甩唔到模,隔夜腍哂,我仲諗緊方法。

      刪除
    2. 試下用素鮑魚、素火腿,用少D菇就乾D。

      刪除
    3. 翠兒:你的提議是好,一定冇咁出水,但素鮑魚素火腿,素乜素物我買過,一啲都唔好食,就算去素菜館食都係唔好食,純素菜反而有菜香甜,翠兒,你估加粉絲得唔得呢?

      刪除
    4. 我都好少買素乜素物黎食,但我買過一次素鮑魚又幾好食,係恆昌買大隻的素鮑魚,切細當雞粒炒洋蒽磨菇,我整吾會加粉絲,煮得乾身一點便可。幾年前吃這個素鮑魚幾好味http://weshare.hk/129shuen/articles/1702644

      刪除
    5. 十幾二十年前有朋友介紹素鮑魚,去買斷貨,以為一定好嘢啦!等到有貨便買了好多隻,成隻當真鮑魚煮,點知全家都話好難食,最後切粒加其他肉混少少素鮑魚炒飯同炒餸,食左好耐至哽哂,之後一直都唔敢再買,但咁耐有冇改良就唔知嘞,炒乾身是可以好啲,但雞批一定要多汁至好食,唔夠汁就扣哂分,這是問題所在。我加過素雞落餡到試味,唔夠淨素菜咁好味,所以至用淨蔬菜類,不過可能係我唔食慣啲素乜素物啦,食齋嘅朋友都係咁食,可能佢地會覺得好味,但亦有一位食了二十多年長齋嘅朋友同我講,佢以前都係食素乜素物,但近年已唔再買,因為是合成品,盡量少食。等有時間再試下,但唔可以整得多,大爺唔鍾意齋架。

      刪除
  8. 軒姐:你下次早D整雞批,等大爺一返來就有得食。大爺有食神。

    回覆刪除
    回覆
    1. 我下次早少少整好,放焗爐低溫烘住保溫。

      刪除