2016年5月9日 星期一

素菜批

    做雞批的時候記起大哥吃素,便試做一下素菜批,但軒一向不愛吃素的合成品,可能吃不慣總是覺得不好吃,用蔬菜菇類仍有天然的清甜,所以我煮素很少考慮用素的合成品。第一次試做全軍覆沒,無法脫模,爛哂!估計是菇類易出水的原故,但餡的味道不錯,死心不息捲土重來,咭咭……得左!今次成功脫模,易如反掌。但可惜餡多了一點,有剩少許,大約可做8 個批,要計算一下減些材料配合六個批皮了。



放入餡料,
蓋上批面,邊緣用手按實,面用刀界上紋,
掃上蛋液,
焗爐預熱,用220度放下層焗25分鐘至面金黃,掃上粟膠或蜜糖再焗3-5分鐘即成。
大爺不喜歡吃素,於是提着素菜批去敲鄰居的門,請幫忙做試食官,我認為白汁可以再多一點,但試食官話如果即食是可以白汁多一點,但如果稍凍進食,多汁會快腍,認為個汁己經可以了,軒覺得蛋撻,芝士撻,雞批之類的食品都是出爐即吃是最佳,不太適合作拌手禮,一來一往已腍了。今次無法試驗凍後結果,因為鄰居有一個三歲的孫仔,一向不吃蔬菜的,吃了半個批還要再進一個,認真俾面,很快全數消了。

14 則留言:

  1. 這裡西人店子做的批…沒有因餡料太濕而脫不到模又或漏出醬汁等問題。
    甚至那些批的醬汁亦很多,好似牛肉蘑菇、免治牛肉芝士、牛肉牛腰、白汁雞肉雜菜、印度牛油雞(butter chicken)等等都是汁液多過肉料……
    其中不漏原因,相信最大可能是那些酥皮夠厚,同時餡料或者要雪實些才可釀進去?

    回覆刪除
  2. 已連續做了多次雞批,除了第一次太熱甩爛左兩隻外,次次都冇問題,第一次做素菜批甩唔到模我都好愕然,我有雪凍左啲餡,啲汁凍左會杰身,入餡係好容易,漏出醬汁是個邊封得唔好,炒菜一下鹽便會出水,所以我猜全部是蔬菜,仲咁多菇遇鹽一定會出水,可能今次個汁收得夠緊所以好好多,我同意個皮夠厚會更好,而且易整好多,多謝你提供資料,我喜歡試新嘢,未整過就要試下,我都係試驗學習階段,始終同人家專業有很大距離。

    回覆刪除
  3. 回覆
    1. 即刻開工,等多陣就出爐。

      刪除
  4. 三歲的孫仔,原來喜歡蔬菜加白汁,加埋個酥皮!

    回覆刪除
    回覆
    1. 上次請佢食過雞批,個素批外貌與雞批冇分別,呃左佢食第一啖,食落OK便繼續食,個小傢伙食過我啲嘢,已經認得我,一見我就笑。

      刪除
  5. 軒姐,你隔離有無單位出租?

    回覆刪除
    回覆
    1. Philip!我住的大廈多數自住,好少出租嘅!

      刪除
  6. 軒姐:你早D通知,我來幫口。嘻嘻!

    回覆刪除
    回覆
    1. 惠惠:哈哈......真係請都請唔到啦!

      刪除
  7. 好正呀!雨大俠有口福喇!

    回覆刪除
    回覆
    1. 多謝翠兒!可惜大哥都係得個睇字。

      刪除