2014年1月7日 星期二

小寒~糯米飯~附食譜

小寒~糯米飯~附食譜
我家傳统大寒與小寒都會煑臘味糯米飯, 大寒與小寒傳統是很寒冷,
但近年天氣反常,未必寒冷甚至會熱,但冬天吃糯米飯真是特別好吃。
   

     應應節~臘味糯米飯

材料:豐儉隨意
   糯米
   蝦米
   臘腸,臘肉
   生抽 2至 3 湯匙
   想顏色深可加小許老抽
做法   :
    預備疏孔器皿一個,將糯米洗乾淨,用水浸過面幾吋,浸4小時,
   

  隔去水份
   

  加入生抽將糯米撈勻,大火蒸 40 分鐘 左右,中途用筷子翻動一次   
我早期是滴乾水便蒸,但白色的飯,何解街外有色的,於是
用老抽生抽各試一次,老抽飯太黑,
發覺用生抽飯還有點味道,於是以後便用生抽加,想顏色深可加小許老抽。
   

    臘味蒸熟倒去油份切粒,蝦米浸軟,加入切粒之臘味爆香,
加入巳蒸好之糯米飯中撈勻即可。
  

  灑上蔥花即成~臘味糯米飯~用此方法可比美生炒糯米飯,
而比生炒簡單易做而且較小油份。
    臘味糯米飯很受大爺的朋友歡迎,有一次我去了廣州深宵才回家,
大爺已熟睡,細少釣了隻三斤有多的魷魚,翌日一大早,大爺來電問,
,有沒有看到隻魷魚,跟着問我懂不懂弄椒鹽鮮魷,他巳約了朋友今晚
來吃鮮魷,班朋友說白酌吃了幾次,想吃椒鹽鮮魷,怪不得這樣溫柔地問啦!
跟着落order,不用煑那麼多呀!椒鹽鮮魷,煑個臘味糯米飯,煲個老火湯,
炒個菜便成啦!吓!這樣叫不用煑那麼多?但臘味糯米飯真的很受歡迎,
有朋友打包帶走呢!
小小心得:如喜糯米飯軟熟,可將一杯水,中途每隔十分鐘灑小小水一次,
直至附合自已的軟硬度,因器皿是疏孔,要與水面距離高一點,
小心不要滾入水份,否則底會變爛飯。
可夾小許試食,便知飯是否熟透,糯米份量多便相應加長蒸的時間。

25 則留言:

  1. 我呢度好凍呀,即刻要去浸糯米,跟你整嚟暖吓個肚先。

    回覆刪除
    回覆
    1. 糯米飯真係好多人鍾意架。希望無令你失望!

      刪除
  2. 上次我試過生炒,開頭做得都不錯,只是到後來想軟身些,水和油等都落多了才炒至一pat嘢,好啦,我今次要跟你方法去做,軒姐,我對你有信心。

    回覆刪除
    回覆
    1. 以前我都係生炒,要好多油,要慢慢灑水,炒兩斤米炒到手軟,好多酒樓都係先蒸後炒,我嫌多油,偷懶蒸完撈臘味就算。好多朋友食過都捧場。

      刪除
    2. 多謝如心兄對我信任!

      刪除
    3. 上次整得好成功, 今晚我又再整, 我太太就最鍾意食......

      刪除
    4. 尼個幾受歡迎,大爺D朋友嚟食飯,食完兼夾拎,係中心教過,整3斤糯米,都清哂!

      刪除
  3. 這個十分吸引,我也試着照做。

    回覆刪除
    回覆
    1. 預PPK一碗,走臘味蝦米....唔該!

      刪除
    2. BoBo這個好易做,你PPK食齋要走青蔥呀!

      刪除
    3. 百厭莫哭,等五姐煮碗有冬菇甘筍炸花生嘅齋糯米飯過你!快D笑番啦!

      刪除
  4. 睇完之後,今日有食糯米飯嘅衝動!有時間我都要試試! ^^

    回覆刪除
  5. 臘味糯米飯好正呀 , 我相公唔鍾意食冇得學你煮, 衹好望梅止渴了 .

    回覆刪除
    回覆
    1. 相公吾食,就無計啦!食碗至走啦!

      刪除
  6. 用這方法簡單易做.要試吓先.謝謝!

    回覆刪除
    回覆
    1. 這方法簡單易做,吾好滾到水入底就軟硬可自己調較,又小油。我家都愛吃,快D試下啦!

      刪除
  7. 五姑娘:不知妳看到這個留言沒有?報告:我真懶呀!
    幸好找到這篇學整糯米飯。昨天我浸了糯米,可是家中配料不足,唯有出去買。因為太想食,終於去一間小店買了一碗一向水準不錯的糯米飯回來,配料不少,十分好味!等不到自己去煮了,真慚愧!

    回覆刪除
    回覆
    1. 秋葉姑娘不必自責阿!有時吃得不多,買碗來得方便,咁你浸咗D糯米點處置呀?

      刪除
    2. 報告五姑娘:今朝一早起來,吃過米粉,即切較瘦的腩肉醃煮,加粟米粒。(做餸)
      把雪著的糯米拿出來,倒去水份,加生抽,放在碟上蒸,中途加水三次。(四次較理想)
      都算好食。不過,沒有小店賣的可口。因我工夫未夠。

      刪除
    3. 秋葉姑娘說報告太客氣了,軒不敢當呀!試多幾之一定掌握到理想的成品。碟上蒸都可以,不過用疏孔器皿會更好。

      刪除