2014年1月12日 星期日

素糯米飯

素糯米飯

     百厭留言: 百厭要食糯米飯!糯米飯!糯米飯......嗚嗚
     百厭扭計要食糯米飯,要天上個月光就難啫,糯米飯容乜易丫!即刻去浸米,齋糯米冇餸喎,嗱嗱聲浸兩隻冬菇添,百厭持素吾食得蔥,用中芹同芫荽咪得囉!加小小金筍粒,菜甫粒,驚吾夠餸,炸幾粒花生,煎隻蛋皮,
素糯米飯
 一杯糯米咁小用個疏孔筲箕,薄薄地好快熟,加埋加埋都有兩三碗。
最緊要吾好俾D水滾入去,煮一陣已經搞掂!

20 則留言:

  1. 百厭真幸福呀!
    但我好似嗅到啲飯有陣酸酸哋味,哈哈!

    回覆刪除
    回覆
    1. 有陣酸酸哋味?吾怪得百厭吾吼啦:D

      刪除
  2. 唔係唔吼,而係同大家分享下百厭份開心同幸福,梗係啦,百厭個五姐喎...呵呵呵!有得食,有得食!隔蘺恕仔冇得食...

    回覆刪除
    回覆
    1. 百厭扭完計把口寧舍乖!五姐都係第一次煮素糯米飯,百厭話想食,五姐點都想辦法,剛試咗味又吾差喎!

      刪除
    2. 百厭要耍計,又話我冇得食,五姐你好偏心,我都𦧲埋一份先……嘻嘻!

      刪除
    3. 如心兄:五姐不是偏心,位位都是好朋友!當初認識百厭,百厭曾經和五姐研究過素菜,但大爺一向是食肉獸,五姐一向很少煮齋,曾答應百厭有空研究下,見百厭咁玩得,一有新齋吾理好醜就硬塞俾百厭,其實係百厭吾嫌咋!咭咭..........

      刪除
  3. 百厭有咁正嘅糯米飯食,咁我都要百厭一下喇! ^^

    回覆刪除
  4. 我又要、我又要一碗糯米飯!嘻............

    回覆刪除
    回覆
    1. 哈哈......前面一大盆臘味糯米飯無人問津,今次真係瘦田冇人耕,耕開有人爭囉!

      刪除
    2. 軒姐,你做得好「臘糯」呀……
      昨午因經不起太太的催促,
      用了你做的方法整了兩杯糯米,
      還未到晚黑,就給她兩母女吃了大半……
      嘻嘻,佢哋話同外面買的差不多噃,仲叫我多謝你呢!

      刪除
    3. 如心兄:嚇得我呀!以為話我做嘢好立糯,咭咭!係你水份控制得宜,家人才會如此捧場啫!多謝你家人對我的厚愛!糯米飯捧場客多,會比白米飯吃得多。我最早期是從電視學用碟去蒸,但覺得面乾底濕,想是碟底有蒸氣所至,諸事八卦去偷睇街邊賣的是點整,係用塊布墊疏孔大蒸籠蒸糯米飯,日日蒸就話啫,間中做要找塊布咁麻煩,試下吾用又得喎,祇要落米後不大動作,漏幾粒米便不再漏,咁懶得就懶吾墊布,識蒸又嫌D飯白色,又去搞過,試咗幾次,最後出了這個糯米飯,大爺的朋友來作客,也愛吃呢!

      刪除
  5. 有得睇,冇得食?當然要自己勳手啦!

    回覆刪除
    回覆
    1. 咭咭,,,,,,,,,,,,,如心兄已勳手啦!

      刪除
  6. 軒姐,這裡是你的新BLOG?
    第一次來留言,哈哈
    .
    吃素原來是不吃蔥的嗎?
    蔥為何不屬蔬菜類?
    唔明?
    .

    回覆刪除
    回覆
    1. 飛鳥:係呀!舊BLOG俾人入侵,迫著開個新嘅,你去睇下就明發生乜事http://evakam1951.blogspot.hk/,吃素同吃齋不同,吃齋是不能吃五辛,一蔥、二薤、三韮、四蒜、五興渠,主要的理由是認為食用這些含有大蒜素的蔬菜可能會使人產生性慾,帶來憤怒的情緒,又會召來邪惡的鬼神,因此主張不要食用。我吾知百厭食齋定食素,保險當佢食齋冇撞板。

      刪除
  7. 看過這篇,攪到我都想去蒸的糯米飯食。多得妳唔少。謝謝教路!

    回覆刪除
    回覆
    1. Kaka.....如心兄已經整咗啦!你都整啦!

      刪除