2015年11月23日 星期一

反沙芋頭

想吃反沙芋頭,但買芋頭最少要買半個,太多了,於是趁做芋頭扣肉的時候買多點芋頭,不能連續多天都是芋,存放冰箱多天後才做,方法非常簡單,將芋頭去皮改成長條狀,用油炸至微黃,約三分鐘,撈起備用。另起鑊下蔥茸爆香,芋頭條回鑊兜勻備用(我省去蔥茸此步驟),糖與水比例是11,一碗水:1碗白砂糖,煮至起泡杰身,芋頭回鑊翻炒至起沙即成。
小小心得:

煮糖膠的時候切勿煮燶,保持通透如清水色,順時針不停搞動,可滴一滴糖膠在水中成珠即可放入芋頭,轉小火,要快手炒動,令芋頭沾上糖膠,手慢可關掉爐火再炒。
                            整條包裹了白糖~yummy                              

12 則留言:

  1. 這反沙芋頭我未吃過,但我曾吃過一廚師整的糖脆合桃,只不知做法是否一樣?而這合桃外被糖膠包住想亦差不多吧!
    我已記不起這合桃配甚麼菜了,軒姐可知道嗎?

    回覆刪除
    回覆
    1. 反沙芋頭係潮州食物,你講講嘅相信係琥珀合桃,以前去飲有個餸合桃炒大蝦,好似叫合甫明珠,我第三本書本來都想出琥珀合桃,做法雖然大同小異,但較難拿揑糖膠的時間,好易變拔絲或反沙,結果試了四鍋,試了一個蜜味合桃,成功率高,且非常脆口,編輯盛讚,已編入在第三本書了,亦有將合桃蝦仁編入書中。

      刪除
    2. 軒姐:給你說說我好像想起了,是一道外省菜色,相信不是滬菜那便是京菜,又或者……?
      至於那味菜的名字是叫合桃牛肉,軒姐,我有記錯嗎?

      刪除
    3. 我知道係有個合桃牛肉,但我未食過,好似係牛肉沾上合桃碎去炸,而去飲有個時期流行西芹大蝦炒合桃,時代在轉變,以前物資短缺,去飲都係一些普通菜,現在變得花巧和用高級食材。

      刪除
  2. 看來反沙芋頭一定好吃!「生骨大頭菜」~~諗起上一代鬧細路仔添!

    回覆刪除
    回覆
    1. 芋頭粉絲一定喜歡,咭咭..........芋頭炸腍了唔會生骨!

      刪除
  3. 我嘅至愛,但依家衹可一件起二件止,嚟您度睇吓,當食咗了。

    回覆刪除
    回覆
    1. 出去食一碟都好多,要人多至食得哂,係屋可以煮餸留幾條芋頭整,咁就可以一件起兩件止。我係芋頭粉絲,芋頭煮咩都鍾意。

      刪除
  4. 軒姐,我都想食番件反沙芋頭呀!

    回覆刪除
  5. 軒姐:芋頭我鍾意,反沙都係响你處食件算。謝謝!

    回覆刪除