2015年11月9日 星期一

騰雞版

手打皂要晾四至六星期才可收成,一有空便開始打皂,以備新年聖誕送禮之用,打過多次皂,仍偶有白粉出現,找了不少資料,大多說是保溫不足,於是試過入木盒,再蓋上棉被,也不一定解決起白粉問題,且有時可能是太熱冒倒汗水,更試過面層凹凸不平滑,直到最近找到另一個不同的答案,說不一定是保溫問題,是打的時間問題,如打至變薯蓉一定不會起白粉,既然知道是打的時間問題,想試驗今次會否再起白粉,見已經開始trace,便多打一會,一直都是渲染一兩個色,今次一口氣染五個色,還未開勻五個色,已經風雲突變,突然變濃稠,嚇得我騰雞到手忙腳亂,急忙入模,還未完全入好五色已經幾乎變薯蓉,差點不能入模,祗好將個模放在地上不停敲,希望幾色皂液可以混合平滑,樓下多得我唔少!今次用鋁線貼着個模底去攪拌,已經感覺個底開始變硬,更加騰雞,匆忙將所有油入模,個面隨手畫一畫花紋便算。終於脫模嘞!心急切開第一塊,
    似件蛋糕嗎?
轉個身看一看,蓋上印章。
 今次加了綠茶粉,紫薯粉去染色,本來艷麗的紫紅色配襯粉紅色是絕美,但皂化後都變了色,有點失望!發覺用植物粉類的顏色變化最大,反而是雲母粉較保存原色。
        雖然有小小氣孔,但能及時入模已非常慶幸,顏色隨着時間會退淡色一點,顏色會更美,我已急不及待不等退色了,一切開拍好便與大家分享。

12 則留言:

  1. 驟眼睇,我以為係芋頭糕添!

    回覆刪除
  2. 慕斯蛋糕!好容易畀我食左!
    花紋好靚!喱D要咁快手既工作,搵個助手比較好D。

    回覆刪除
    回覆
    1. 切第一刀真係有D似cheese,其實尼個配方整過幾次,未試過trace得咁快。好奇怪有時同一個配方都唔同時間trace,我仲摸索緊。

      刪除
  3. 驟眼真係似疍糕呀,咁靚,唔捨得用喎!

    回覆刪除
    回覆
    1. 有小小氣孔,有D瑕疵,希望下次會做得更好啦!

      刪除
  4. 整得好靚,好似真嘅一樣。

    回覆刪除
    回覆
    1. 多謝Man Man!美中不足有氣孔。

      刪除
  5. 嘩,好靚
    用來做擺設也很不錯

    回覆刪除
    回覆
    1. 多謝飛鳥!做擺設又了多一個用途嘞!

      刪除