2015年11月18日 星期三

芋頭扣肉

    廿十多年前,與家人去深圳西麗湖旅行,因餐廳裝修暫停營業,於是在附近的一條小村找食店晚飯,小村有很多小店,全都是很簡陋,是一些茅屋搭建而成,不知那間好,一於找家最多人的,人多光顧一定冇錯,點了芋頭扣肉,一上桌香氣四溢,當年沒有地溝油,沒有黑心食物,吃得安心,在寒風陣陣下吃扣肉特別好吃,回港後在酒樓吃過兩三次,沒一間可滿足我這芋頭粉絲,很少酒樓供應轉眼十多廿年沒有過吃芋頭扣肉了,想吃便麻煩都自己做一次,倒扣用錯碟,再扣幾乎不能成形,抹了一把汗。
材料:
芋頭半斤左右
五花1
水半碗
上皮用料:
老抽適量
醃料:
南乳連汁1 1/2湯匙搓爛
1 1/2湯匙
老抽3/4湯匙
3/4湯匙
乾蔥茸2茶匙
蒜茸2茶匙
1/3茶匙
芡汁:
燉扣肉之汁1/2
生粉1茶匙
1/2湯匙
做法:

五花腩洗淨,放滾水中煮熟,約45分鐘,取出抹乾水,用上皮料搽勻豬皮,用針插插皮,醃15分鐘,皮向下用油半煎炸至皮金黃色,用清水沖去油脂,將腩肉改成長方形,1cm左右厚度,芋頭改成與腩肉大小,用油炸至微黃色撈起,芋頭腩肉用醃料撈勻,相間排在深碗中,豬皮向下要貼着碗,加入半碗水,燉3小時,倒出汁,倒扣在另一碟上,汁埋芡淋在扣肉上即成。
小小心得:腩肉可以用炸的方法,半煎炸也可達金黃色效果,會彈油,爆皮的聲響很大,可蓋上鑊蓋。

23 則留言:

  1. 芋頭扣肉係我一家人至愛餸菜之一呀!

    回覆刪除
  2. 芋頭扣肉是我最愛!我黎食飯喇!

    回覆刪除
    回覆
    1. 唔好客氣呀翠兒!仲有白飯任裝呀!

      刪除
  3. 軒姐我已記下這食譜了,有時候我會試試…
    其實,我喜歡梅菜多過芋頭的,但我不會揀擇,因為一揀擇就食少很多好的東西!
    嘻嘻,而我太太就是這樣的人,搞到我周時都冇啖好食……

    回覆刪除
    回覆
    1. 謝謝欣賞!我後生都揀飲擇食,隨著年長食多左嘢,以前唔食苦瓜,依家又好喜歡,會慢慢改變嘅!

      刪除
  4. 咁多工序,俾著我呢啲懶人,都係出街食算喇!

    回覆刪除
    回覆
    1. 出去好少酒樓有得食,食過幾次都唔好食,為食起上嚟自己煮。

      刪除
  5. 軒姐早
    非常愛吃芋頭扣肉

    回覆刪除
  6. 呢個餸真係好多人鐘意食咖,以往老伴最喜愛,一到冬天就會叫整,但我己不彈此調久已,來您度食番件先。

    回覆刪除
  7. 想不到這味餸是要炸的,在此學習了!不過我很少炸食物,看來真要試一試了。

    回覆刪除
    回覆
    1. 我偷雞冇炸,用油爆個皮都OK,不過要加蓋,彈得好勁。

      刪除
    2. 炸吓係香口啲嘅。電視上很多的入廚節目,都會教人將排骨落油鑊先炸一炸,好像是傳統。

      刪除
    3. 不是傳統,是酒樓必用的方法,快靚正,走油可快速鎖住肉汁,又快熟,酒樓太多客人等食,如果慢慢炒,是應付不了,但一般家庭主婦一聽炸,大多耍手擰頭,炸是不太健康,不過一次半次無傷大雅。

      刪除
    4. 經妳一說,真是學習了,謝謝 !

      刪除
    5. 秋葉姑娘客氣了,我祗是略懂皮毛。

      刪除
    6. 作者已經移除這則留言。

      刪除
    7. 妳才是客氣! 畫畫出色,煮得出眾兼有成績。
      我也要去吃飯了。祝安康!

      刪除
  8. 芋頭扣肉好耐冇食,見到你整,又心思思,太吸引,食件先。止吓口水。

    回覆刪除
    回覆
    1. 十幾二十年冇食過,為食起上嚟,整一次囉,喜歡就食件啦!芋頭真係好多粉絲。

      刪除