2017年2月9日 星期四

2017新年禮物

精華素及面霜  
      年年都是以曲奇餅作手信,毫無新意,做得有點膩,今年做了精華素及面霜作新年禮物,想試試做糖果給小朋友,上Youtube找到食譜做鳥結糖,非常簡單易做,但切得太大條,買了的米紙不夠包裹,在心甜買的糖果紙是厚身不黏的,不包米紙包裹也可以,細少放工回家,軒問要送給你的御用模特兒嗎?細少答:等我食過好唔好食先講。食了一條話:OK啦!咭咭……唔係OKKO左半碟糖。即刻去買棉花糖,杏仁再做,包多次便已沒有包糖紙了,翌日跑去二記買包糖紙,一分錢一分貨,糖果紙非常薄身,但都可以應用,兩日之內做了三次,最後一次是雙倍份量,新年期間,細少一個人幾乎KO整整一個份量的鳥結糖。
雙倍份量的鳥結糖~二記的糖果紙
心甜的糖果紙厚身很多,
但也貴一倍有多。
 試食官回報,杏仁太多,於是將食譜減了杏仁。
食譜過兩天有空另行補上。
 今年在二記及另一間樓上鋪買年糕模,樓上鋪125個長型模,上海街萬記358個,真是要貨比三家,試用後其實不大好用。分別在二記及樓上鋪買了福字模,二記的容納份量較少,但面蓋較好用,樓上鋪的蓋很易鬆脫。今年的薑汁年糕再加少少薑汁,夠薑味。1磅薑連皮加120ml水用攪拌機打爛搾汁成450ml,另薑渣先用水煮5分鐘,隔去渣,得水750ml不足之數可加水,煮溶糖908克,糯米粉900克澄麵粉300克,共3個年糕,其餘方法一樣。http://evakam51.blogspot.hk/2014/01/blog-post_25.html
晾皂需時,一拍完硬照己即做,過年剛剛好。

17 則留言:

  1. 軒軒:你真係多才多藝,樣樣都好靚呀,親友收到一定好開心!

    回覆刪除
    回覆
    1. 小月:我貪玩,樣樣半桶水咋!最開心係小朋友,收到便有糖食。

      刪除
  2. 真是能者多勞,你真叻叻,樣樣都難不倒你。

    回覆刪除
  3. 你呢排已經咁多嘢做,你仲要整埋鳥結糖,頻撲找年糕模,又要做皀,你真係能者多勞……真想知道軒姐你有甚麼動力來推動你呢?
    再,最近我新的日誌標題可能會有些映射之嫌,希望你不要怪我。其實,是我記得你的新書快要出版,才一時間想韜你的光咋……
    若得罪了敬請見諒!

    回覆刪除
    回覆
    1. 如心:你的留言我修復了,在google+已覆,你言重了,怎會得罪,多謝你記得我的劣作快出版!

      刪除
    2. 我已看過了,知道你不介意那就好…
      不過你還是不要太操勞,因你也是家中支柱啊!

      刪除
    3. 多謝關心,等老媽痊癒,不用再去做職業治療,真的要好好休息一下。

      刪除
  4. 回覆
    1. 唔止你的留言失了,我最近已經幾次在其他博友留言,明明見已發表,但𣊬間就消失了,我在gmail是見到你留言,試過在gmail回覆對方又收唔到。無奈!

      刪除
  5. 我很想念你的靚靚肥皂呢!

    回覆刪除
  6. 樣樣都好靚!好吾明你咁忙,仲可以做出咁多野,真係鐵人呀!

    回覆刪除
    回覆
    1. 多謝翠兒!尼個鐵人就嚟生銹啦!其實唔係一日做哂,分開嚟做,整完鳥結糖要等幾個鐘至凍,就把握這段時間做面霜,蒸落年糕就去抹窗做其他嘢,分配好就可快點完成。

      刪除