2017年1月31日 星期二

2017開年飯

小姑來吃開年飯,浸發二十頭鮑魚,姑爺愛吃鵝掌,掌翼五十元一斤,單買鵝掌貴一倍,要一百元一斤,五隻四十個大洋,算啦!貴就貴啦!
 買一隻冰鮮雞,
脾翼用南乳炸,超鬆化美味,
雞腔煲螺頭湯
 海蜇鹹豬手,
斤十一両海蜇全吃光,
好搶手!
 細少釣回來的鮮魷~椒鹽鮮魷
最失敗是帶子,有點澀味,
仲要一百八十個大洋,
下次唔會再買!

飯後甜品兩款~綠茶布丁與椰汁布丁,沒有影相了,椰汁布丁好銷情,綠茶布丁滯銷。好滿足的一餐!

22 則留言:

  1. 軒姐,新年咁多嘢做,又咁攰,不如學下外國人,預先招呼一句要每人弄一味菜帶來,咁你咪唔使咁辛苦咯!
    咁食完有冇人同你洗碗呀?

    回覆刪除
    回覆
    1. 如心:咭咭...試過去海洋公園,每家帶D食物,我負責最多,有人負責帶三文治,去到拎袋麵包,牛油,火腿出來,各人自己現場搞掂。如果一人帶一味菜,等食荷包蛋同淥菜啦!
      大爺並非浪得虛名,有名你叫大爺,當然唔會幫我洗啦!人客吃完便走,點會有人幫手。以前都係咁做,但現在老了,加上每星期都要去接老媽做職業治療,管接管送,舟車勞頓,所以會感覺很攰。

      刪除
    2. 拜年也是很勞累的事,我家兄弟姐妹,年年租會所搞團拜,講明要各人帶東西吃,會費輪流負責,堅持了好多年,解決了舟車勞頓的煩惱,大家又可以聚埋一齊,幾好喎。

      刪除
    3. 夫家姊弟團拜己二十年,費用平均每家分擔,但長輩仍需要去拜年,中心以前聚會都試過一人帶一餸,但不是每人帶來的都好食,且一定是涼了,幾好食都變唔好食,後來取消了改叫外賣。

      刪除
  2. 細少釣回來的鮮魷~椒鹽鮮魷是母子雙劍合壁,會很吸引我。

    回覆刪除
    回覆
    1. 吃過自己釣的魷魚,就唔會食街市購買的,姑仔喜歡吃,細少釣到便存放冰格,等她們來吃。

      刪除
  3. 好手藝加名貴菜式,真係好吸引啊!

    回覆刪除
    回覆
    1. 過獎啦!好手藝就算不上,食得下咁啦!

      刪除
  4. 軒姐真係能者多勞,要注意好好休息呀!

    回覆刪除
    回覆
    1. 多謝關心,人老了容易攰,真係要多休息才掂。

      刪除
  5. 咁好餸,冇份食,睇下都開心!可以抖下未呀?

    回覆刪除
    回覆
    1. 可以抖一抖,下星期又要帶老媽去做職業治療呀!

      刪除
  6. 軒姐,佩服您的精力,旺盛呀!我甘拜下風。

    回覆刪除
    回覆
    1. 啲嘢迫埋嚟,唔做唔得啦!我年紀越長越覺力不從心啦!

      刪除
  7. 軒姐:你的拿手好戲。家人有口福,睇見流口水。

    回覆刪除
    回覆
    1. 手廚都係粗粗地,食得下咁啦!大爺評語係不過不失啦!

      刪除
  8. 我往年年尾退休,年三十晚不用再上班,首次親自下厨,重叫埋弟弟一家嚟團年添! 結果做出嚟的食物慘不忍睹,應咸嘅唔咸,應淡嘅唔淡,真要花多啲時間睇吓軒姐你個BLOG學下野喇!

    回覆刪除
    回覆
    1. Philip 客氣了,大家研究研究啦!其實你都是高手,可能是唔慣煑咁多人嘅份量啫!!下次一定會理想嘅!

      刪除
  9. 軒姐:好豐富的一餐,你的家人真有口福,有咁多好嘢食.幾時有機會教下大家煮干飽,睇到都流口水。好本事呀!什麽都識煮。
    過著年,忙完了,你可以多休息啦!小滿。

    回覆刪除
    回覆
    1. 小滿:你的留言潛了水去垃圾留言,在網誌無法顯現,所以無法回覆,現修復了。多謝你的讚賞,我其實係半桶水咋,乾鮑不難煮,方法也很多,各師各法,最主要是要有耐性同時間,有機會大家再研究研究!

      刪除