2017年1月13日 星期五

一門兩面

大開中門~前院

屋內兩年前畫的~無敵大海景
    找出應用的物品,兩年沒用過的塑膠彩,有部分已經開始乾了,當時因為從未畫過這樣大的一幅畫,問老師也不知要買多少份量才足夠,畫的途中如買得不夠,便費時失事,要再跑一次深圳,寧多勿少的心態下買300-500ml一罐或一支,原來實在太多,放久了部份已開始乾涸了,比較難開勻,且有部份因調了水份變稀,很難蓋過木門的原色和其他顏色,要等乾了一而再去上色,分兩日畫,第一天晚上,上好底色及定位,第二天要趕在大爺下班回家前收工,否則會不停問:得未?仲有幾耐搞定?畫完未?怕米貴,趁大爺一出門上班,早上五點便開始畫,畫上半部當然要企櫈,也沒甚麼大不了,但畫下面近地面的時候,真的要命,佔了整體的1/3,蹲下來畫,腿酸得幾乎站不起來,且一定要跑到遠處才看到整體,走來走去,看看有那些位置要修改,真係攰到唔想煮飯呀!晚飯後等大爺就寢後再執,光線不足,細少拿了一支手提燈給我照明,啊!強光下才看到很多地方的顏色太薄蓋不到下面一層,祗好再執,一口氣十多個小時不停畫,肩膊同腰腿開始痛,翌日自然光下的顏色,與手提燈的白光顏色又有偏差,關上門屋外光線暗又有偏差,再執補色,但今次因為關上門後看不到,不會〝篤眼篤鼻〞,大爺同細少看不到便沒甚麼意見,不過大爺今次又幾搞笑,佢話間屋前後都有大花園。太攰同〝冇眼睇〞下便不再怎樣去執,其實要執一定有得執,始終塑膠彩不同油畫顏料,上堂的油畫顏料是平價品,乾透後會褪色變淡,落色可重手,顏色選擇很豐富,而塑膠彩卻相反,且有一層膠質,除了畫門便沒有用過,掌握得仍不太好。

16 則留言:

  1. 有句話:少說話當幫忙。
    大爺與細少都做到了,而且還給你指路明燈,抵讚!

    回覆刪除
    回覆
    1. 今次因為係入屋前有鐵閘遮掩,入屋後關上門便看不到,所以少意見,盞明燈真是好用好方便!

      刪除
  2. 好靚呀!畫完幅畫,是短時間內做左好多下蹲運動,雙脚有冇好痛呀?

    回覆刪除
    回覆
    1. 多謝翠兒!係半邊身都痛呀!

      刪除
  3. 畫得不錯!好有創意!不過不要畫得太真實,因為分分鐘誤以為真係花園,一不留神撞上大門!

    回覆刪除
    回覆
    1. 多謝Philip!過獎了!我的能力怎去到太真實這層次,塗鴉之作而已,不過我始終覺得塑膠彩不及油彩。

      刪除
  4. 軒軒:你真係勁!咁攰都可以堅持完成,比著我一早放棄了。你好好休息下呀,接著又要忙過年嘅嘢了。

    回覆刪除
    回覆
    1. 多謝小月!因為我個性問題,每件事不易放棄,真係自討苦吃呀!

      刪除
  5. 真不容易啊!咁成功,拍拍拍拍拍拍拍拍拍拍!我要俾熱烈掌聲你至得啦!

    回覆刪除
    回覆
    1. 多謝宗姐!自己收貨冇咩要求咯!

      刪除
  6. 好成功!成度門真不簡單,你要好好休息下。

    回覆刪除
    回覆
    1. 多謝EE!最大的筆是1吋,要畫好耐呀!真係要休息下。

      刪除
  7. 一門兩面
    大開中門~前院
    屋內兩年前畫的~無敵大海景

    回覆刪除
  8. 好容易唔記得開門,行出花園,撞崩鼻哥....

    回覆刪除