材料:8 .5X12吋長方盆
雞蛋3隻
細砂糖50克
低筋粉55克
植物油1湯匙
鹽少許
淡奶35克
餡:甜忌廉150ml(可隨意)
櫻花粉8克
粒粒紅豆3/4罐(份量可隨意)
做法:
甜忌廉座在冰上,打起至七成狀態,加入粒粒紅豆拌勻,雪半小時以上備用。
雞蛋分成蛋白與蛋黃,蛋黃加入植物油打沸,加入淡奶再打沸,低筋粉過篩,將低筋粉分兩次拌入蛋漿中至幼滑無粉粒,備用。
蛋白加入鹽略打至起粗泡,分兩次加入砂糖,打至蛋白霜紋路清晰可見後,提起有倒勾即成。
取1/3蛋白霜加進麵糊攪拌均勻,
將麵糊倒入蛋白霜中小心攪拌至完全均勻,
長方盤用牛油紙墊底,倒入麵糊掃平,拿起模具在檯上輕敲幾下,用180度焗15分鐘至金黃熟透,取出撕去牛油紙在放涼架上放涼,將蛋糕皮朝下,放在另一張牛油紙上,在近自己的一邊用刀輕輕橫界兩三刀,將餡抹在蛋糕上,卷好,頭尾擰緊牛油紙如一粒糖,放雪櫃定型即成。
雪凍才可切件。
小小心得:用竹簽插入拔出竹簽乾爽沒有蛋糊便熟。如表面太早夠色,可用錫紙遮蓋。
今次大爺一定冇炸型,如果仲有就叫佢食自己啦……咭咭咭……
回覆刪除唉!世事難料,短短幾個月,已轉變到大爺要戒此類食品,不過佢向來都不愛吃西式食品,祗係喜歡抬摃,包頂頸,點到搵啲嘢噏下。
刪除抬摃包頂頸,點都搵啲嘢噏下。
刪除正是!
刪除軒姐信手拈來都似模似樣,冇得彈!
回覆刪除粗粗地食得下。
刪除哈哈!今次有皮!好靚!大爺無話可說了。
回覆刪除我D屋企人都好喜歡食瑞士卷。
多謝翠兒!都係撞彩咋,今次大爺已經要戒口不敢吃。瑞士卷個皮好易整花,就算買果啲都係易花,反轉皮係入面其實會好食啲,我喜歡食忌廉,個餡特別多,細少話太多餡食得論盡喎!
刪除整得好靚呀!大爺喜歡抬摃,都是生活情趣。
回覆刪除多謝!都係撞手神,唔係次次都咁靚,大爺包拗頸,我當佢唱歌。
刪除雖然很詳盡,算了,我沒有五姐的巧手,睇完當做咗食咗,咭咭咭!
回覆刪除我都未到百發百中,撞彩咋!
刪除整得好靚!我識食吾識做,都是在你處食件算喇!
回覆刪除多謝惠惠!識食唔識做係至高境界,唔使辛苦呀!
刪除五姑娘整得真係好靚!好吸引! 與名廠的出品有得比。
回覆刪除多謝秋葉姑娘!都係撞彩咋!名廠出品專業好多,但自家做勝在用料好。
刪除妳說得不錯!
刪除多謝認同。
刪除