2016年12月30日 星期五

失而復得

       近日電腦壞了,細少不斷修理,仍是問題多多,早兩天當我正在補眠,仍未起床,細少突然緊張的在床邊氣急敗壞的推醒軒:『mum,今次敝,我用hard disc backup您的照片中,突然死機,您快來看看有幾多照片冇左!』軒於是睡眼惺忪的坐在細少旁看看所剩有多少照片,唉!得二,三百張,細少再出手去救,噢!螢幕出現藍底,細少驚呼:『冇啦!出藍色冇啦!』
早年軒不懂將照片『燒碟』,細少悠悠閒沒有幫忙下,曾試過兩次痛失一些非常有價值的照片,當時氣得七竅生煙,要細少教懂軒自已燒碟。經過兩次痛失照片後,知道即使生氣也於事無補,緣起緣滅,隨緣好了!反而細少感到非常不安,可能人成熟了明白母親痛失照片會不開心,但要上班不得不暫時放下。一放工回來便再用另一些程式去尋找修復失去的照片,化了十多個小時,終於找回一萬九千多張照片,啊!我暈啦!本來照片分了十多個檔案分類,現在差不多二萬張照片一齊混亂出現,要慢慢分類!今次真係痛苦!!細少再用Data recovery程式,希望可以找回全部失去的照片!現在看看明天能否成功,即使不能全部修復,但最珍貴的相片已復原,能失而復得已非常安慰!!
電腦初步可以用,但仍然遺失了一些資料,仍有部份程式要重新安裝,加上近日家中各人換手機,細少忙於替各人備份,連我妹妹都拿部手機來找細少幫忙,細少嘀咕,聖誕,新年的假期全被用光!2016將盡,希望將2016年的一切晦氣盡掃!

14 則留言:

  1. 真的!加把勁,將2016年的一切晦氣盡掃!

    回覆刪除
    回覆
    1. 謝宗姐!去舊迎新!祝2017大家會更好!

      刪除
  2. 細少真乖仔,祝你新一年事事順利!

    回覆刪除
    回覆
    1. 電腦一壞,真係好煩,希望盡快修復,祝大家2017會更好!

      刪除
  3. 以前我都介意電腦上的照片失去,但如今不知是否明白到有些東西沒有了就是沒有,要勉強…盞令自己不開心就不好啦!

    回覆刪除
    回覆
    1. 對呀!可能人老了,睇得開左,啲嘢係你嘅就係你嘅!唔係你嘅到手到會飛走。

      刪除
  4. 軒軒:2016將盡,一切晦氣亦隨之而去的了,新的一年將會:事事順利!平安快樂!

    回覆刪除
    回覆
    1. 多謝小月!祝大家2017會更好!

      刪除
  5. 細小能者多勞,祝新年健康快樂,跟上一層樓!

    回覆刪除
    回覆
    1. 多謝一粟!祝大家2017會更好!

      刪除
  6. 祝軒姐在新的一年事事如意!

    回覆刪除
    回覆
    1. 多謝Man Man!大家2017都會更好!事事如意!

      刪除
  7. 你應該.... 但凡寫作、攝影、或任何经常要與電腦打文道的,都應該要有一個外置硬盆,每半年或三四個月backup或refresh一次,要是電腦出了問題,損失沒有這樣慘痛,現時兩個TB的外置硬盆也很便宜。另一個方法是將資料、照片上載到歌谷你自己登記的雲端記憶系统中,但存量受限和操作較用外置硬盆覆雜,想想...

    回覆刪除
    回覆
    1. 亞細話雲端開十個戶口都唔夠我放,其實亞細已經有一個外置硬盆俾我,今次係硬盆搬硬盆中,其中一個硬盆出問題,好彩救番絕大部份,不過我睇到二萬張相混亂地出現,真係暈得一陣,亞細話硬盆都會死,將會轉用nas 行raid 1,咁就一定冇問題。亞細話佢有辦法回覆分類,等佢得閒啲會幫我整。

      刪除