2016年6月23日 星期四

涼瓜炒五花肉

    細少一向不吃涼瓜,涼瓜又名半世瓜,有人說要嚐過人生苦痛才懂得欣賞,軒也是近二十多年前才開始吃,所以沒有逼細少吃,將來他可能會愛吃也說不定呢!趁細少有飯局不回家吃飯,便煮涼瓜,平常炒涼瓜多數用排骨或牛肉炒,大爺最近中午在外用膳試了一款用五花肉炒,回來說很好吃,
軒問:下了甚麼醬料去炒,
回覆係〝唔知道〞!
軒:咁是否蒜頭豆豉,
大爺:唔係!
〝唔知道〞咁點煮呀?
睇下雪櫃有甚麼醬料,有嘞,用麵豉醬,加點辣椒醬,五花切薄片,搞掂嘞,幾醒胃喎!大爺沒異議。

18 則留言:

  1. 第一,那半世瓜,我太太不喜吃!
    第二,涼瓜在這裡賣得很貴,有時賣到18元一公斤,所以也不常吃!
    早幾個月前,我和太太上奧克蘭探母親,知道她喜歡吃涼瓜,那在和朋友吃晚飯時叫了一道涼瓜炒牛肉,打算吃剩打包帶去給母親的,初時心想價錢最多咪三十元左右,誰知待埋單至知要48元!

    回覆刪除
    回覆
    1. 嘩!真係超貴,金做架?以前我都唔食,如果同老父同枱食飯就死梗,佢一定迫我食,唔食就打,婚後與翁姑同住,一個星期有五日係苦瓜,做媳婦那敢說半句,咭咭.......苦瓜真係苦不堪言!

      刪除
    2. 係海鮮價,如果啲苦瓜跌番幾蚊斤價錢就平好多…
      不過那碟48蚊涼瓜牛肉又真係好大碟!

      刪除
    3. 係種唔到定咩原因會咁貴呢?

      刪除
    4. 天氣是最大問題,而另一原因是不多人愛吃,還有,聽說種過的地在短時間內是不能種其他的菜……
      不過我曾在星期六墟集見過4~6元一公斤的,那次我一口氣買了斤幾兩斤!

      刪除
    5. 原來如此,真的是物離鄉貴。

      刪除
  2. 我好喜歡吃涼瓜,家人也吃,不過,只是淺嚐。

    回覆刪除
    回覆
    1. 係大爺喜歡,我會食但不致喜歡。

      刪除
  3. 苦瓜我也愛吃,不過要由我自己煮,我要原汁原味,落好多糖才覺好吃架。

    回覆刪除
    回覆
    1. 以前奶奶生前喜歡食苦瓜,要原汁原味,一不落鹽揸水,二不汆水,三不落蒜頭豆豉任何醬料,祗落幾粒鹽,更加唔會落糖,唔食苦瓜食一齊煮嘅排骨都苦嘅,真係苦過DD,仲要一個星期食五餐,苦呀!嗚嗚⋯⋯

      刪除
  4. 苦瓜~末出水;
    炒凉瓜~已出水

    回覆刪除
  5. 咁我就過咗半世啦!仲有半世就瓜得喇!

    回覆刪除
  6. 涼瓜炒五花腩好惹味架,愈食愈開胃,夏天最啱食。

    回覆刪除
  7. 原來惠惠都愛吃苦瓜。你說得對好惹味呀!

    回覆刪除