與大爺逛超市,見有急凍龍蝦減價,一百元兩隻,一定要買兩隻,無一隻賣,又係捆綁式迫人買!大爺要買,我就不想買,試過甚麼長腳蟹,皇帝蟹都是不好吃的,即使在酒店的自助餐吃此類急凍食物,也是強差人意,但大爺認為今次不是急凍熟食,未試過要試試,大爺話今晚不煮飯,買來做芝士龍蝦伊麵。此龍蝦肉除了不好吃,還鹹到飛起,我以為自己重手,兩隻龍蝦不過下了1/8茶匙鹽作底味,照理不會鹹啊!連龍蝦鉗剝去殼後都鹹到飛起,即刻試個麵和汁,個汁同麵很配好,很好味!即與調味無關。唉!今次真係好有海水味嘞!海水咁鹹呀!!哂錢哂心機,都話左唔好買喇!但大爺就一次又一次希望會有意外驚喜,又去買。好彩個麵與汁無問題,仲可以入口,否則成碟幫襯大口仔,出去吃都得嘞!
軒姐你好幸福呀,有一個如此正面人生觀的伴侶,而且他還對你充滿堅定信心呢!
回覆刪除那麼辛苦些也值得的。
是如心有正面人生觀,便有此正面看法,嫂夫人也很幸福呀!有個正面人生觀的伴侶!
刪除總之以大減價作招徠的食品,好極有限,否則一早俾人買晒喇!
回覆刪除對呀!便宜莫貪呀!
刪除哈哈!咁開心拍拖去買餸,鹹D都抵啦,個心甜呀!^O^
回覆刪除大爺揀水果有一手,我就唔識揀,佢一星期會同我去超市一兩次買水果,娛樂之一啦!
刪除間中中招都冇法,不過,有時都有驚喜。
回覆刪除中招就當上了一課,冇法啦!
刪除海水味嘞!味啱個的喜歡吃海水味既年輕人囉!
回覆刪除我真係懷疑電視節目,D主持人話好有海水味,是否暗示好鹹呢?
刪除死海龍蝦
回覆刪除鹹到飛起
便宜莫貪
刪除咎由自取