2016年6月1日 星期三

初試菜肉包


        在雅虎時期,跟翠兒做了兩次豆沙包,翠兒可算是軒的包子啟蒙老師,翠兒不藏私的指導下做了幾次豆沙包便一直至今沒有再做中式包,最近因東施效顰做菇型包子,便重拾興趣去做包子,菇型包試了用瓷杯及鋁質模都是面有少少裂紋,蒸包是用蒸籠,籠底有蒸氣入的,估計是模子令包面密封不透氣,試過蒸的中途離模再放回模中蒸,似乎可以解決,但太煩了,最後放棄不再做,而最大原因是太小巧餡便少,我功夫不夠餡會更少。
       看到孟老師的一段片介紹做包子,詳盡解釋中式包子與西式麵包不同,西式麵包麵糰要發酵至兩倍大,而中式包如發酵厲害氣泡太多,蒸出來的包子便會縐,片中有提餡如果多汁是好吃,但如果一次不能馬上吃光,汁便會跑到包皮中,包皮吸收了太多水份,包皮便太濕不好吃了,餡打水兩湯匙已足夠。於是做菇包時留了一小塊麵糰發至兩倍試蒸,外型真是很醜。甜包收口在下,易遮醜,但鹹包收口在上,便見真章,第一次做鹹包,
今次敝嘞!雞手鴨腳縐摺收口都好醜,
難道棄掉不成?當然不可如此浪費,不管三七廿一了,醜便醜啦!醜婦終須見翁姑,照吃可也,下次再戰!咭咭……軒的臉皮真厚!

14 則留言:

  1. 我做中式包子很差,唯一一次好的是…
    買了包已說明做到包子的麵粉,雖然冇外面餐館賣的好,但我覺得已可收貨!

    回覆刪除
    回覆
    1. 其實我地好難同餐館酒樓比,人家天天做,千磨百練,我地簡中做下,人家做一日勝過我地做成年。雖然如此,但也一定要有要求才會有進步。中式包用中筋麵粉就得嘞!

      刪除
  2. 試過在酒樓叫了雞包,其中的一個包皮濕了,真的不好吃!

    回覆刪除
  3. 好靚啦,你要求高啫!我覺得收口在下的包更難做到完美。

    回覆刪除
    回覆
    1. 多謝翠兒!翠兒整收口在上在下也冇問題。

      刪除
  4. 都見得人喎!你太謙虛喇!

    回覆刪除
  5. 靚仔喎,不過你要求高,當然可以做得更好啦

    回覆刪除
  6. 我都有同感、西式包衰極都收貨、但中式包正如你所說、收囗在底有時還可以、但义燒包之類就一定死人、一就爆囗、一就流出汁、總之醜到極、所以近來少做、記得師傅曾对我話、点心是樣難學難精的嘢、而且爐火在家庭式是唔夠、所以蒸包最難搅。

    回覆刪除
    回覆
    1. 中式包真係好難搞,我仲係新手添,义燒包唔敢做住呀!义燒包唔爆口是不成功,但漏汁又失敗,難搞!點心師傅由學徒做起,千磨百練,人家天天做,隻手好似安左摩打,我做就笨手笨腳,我地簡中做下,人家做一日勝過我地做成年,商業上一定有些竅門,真係冇得同出面比,雖然如此,但也一定要有要求才會有進步,盡力啦!我有打不死精神,衰完又嚟過!咭咭.........

      刪除