2016年2月14日 星期日

2016開年飯

      新近日蔬菜貴得驚人,菜心好一點賣三十多元一斤,小姑一家來拜年吃晚飯,當是開年飯,我住了二十六年的屋苑已屬老村,已經是年初六,祗得一檔菜開檔,百佳蔬菜架空空如也,被人搶購一空,又貴又冇選擇,祗好去新屋村選購,豆苗八、九十元一斤也不是好貨式,姑爺說見過一百六十元一斤靚豆苗,不一定要豆苗,買銀絲旺代替豆苗,二十八元一斤,買三十五元有斤許,
瑤柱扒銀絲旺~好搶手
很多人誤會用竹枝穿起賣便是金蠔,其實係生曬蠔豉,要蒸過才可煎,求證海味店,真正金蠔在海味店放冰櫃儲存,
 真正金蠔
 溶雪清洗便可以用
將肉繭除去,整隻金蠔便冇渣,
桂花蜜糖金蠔

用刀叉吃更有氣氛,
靚靚的豬頸肉
細少釣的鮮魷兩隻~白灼,
芝心蝦丸
菜膽雞燉翅,
甜品蓮子百紅豆沙
人老了手腳慢了,攪了大半日,晚飯後洗完一大堆廚具碗筷,累得不得了,倒頭便睡。



23 則留言:

  1. 祝人日及情人節快樂!
    呢餐太豐富,一定食得好滿足!

    回覆刪除
    回覆
    1. 多謝EE!大家都食得好滿足,食餸唔食飯,我要捱冷飯呀!

      刪除
  2. 真係好嫂嫂,我都係人地姑仔,但冇呢份福氣。
    恭喜!恭喜!祝人日及情人節快樂!

    回覆刪除
    回覆
    1. 多謝stella!唔看僧面看佛面,俾面大爺!

      刪除
  3. 人日祝軒姐生日快樂!情人節快樂!
    現在做生意好似斷搶咁,D菜真係貴到飛起!

    回覆刪除
    回覆
    1. 多謝Man Man!今日開齊檔好番少少啦!過年真係斷搶!

      刪除
  4. 軒姐,你廚藝咁叻,如果我喺香港我都會趁開年去探你,最多食完飯我幫你洗晒啲碗啦……

    回覆刪除
    回覆
    1. 多謝如心讚賞!我都係家庭餸粗粗地食得下,過門都係客,點會要客人洗碗咁失禮!

      刪除
  5. 原本病完冇乜胃口的,但睇見咁靚嘅餸,都留哂口水呀!

    回覆刪除
    回覆
    1. 小月:唔知點解,次次請客我都食唔到幾多,齋睇!第日捱冷飯。

      刪除
    2. 軒軒:其實,唔衹您係咁,我都係,因為係煮到攰,而且聞都會飽咖,哈哈>0<

      刪除
    3. 哈哈........聞都會飽,真係抵養嘞!

      刪除
  6. 嘩,好豐富啊!祝人日快樂呀!

    回覆刪除
    回覆
    1. 多謝雀后!尼餐幾甘!千幾二千呀!不過係酒樓食二三千一定食唔到咁足料。

      刪除
  7. 軒姐好廚藝!待回來慢慢品嚐!

    回覆刪除
  8. 回覆
    1. 多謝Philip!尼餐真係幾豐富!足料!

      刪除
  9. 喱餐勁呀!煮咁多餸,食完仲要洗碗,你真係鐵人呀!佩服佩服!

    回覆刪除
    回覆
    1. 大爺之名並非浪得虛名,唔係我做邊個做?

      刪除
  10. 嘩!好豐富!你姑仔好福氣,有個咁能幹亞嫂。靚過酒樓。

    回覆刪除
    回覆
    1. 靚唔過酒樓,但足炓過酒樓就真。我姑仔姑爺好識做,人敬我一尺我敬人一丈咋!

      刪除