2015年12月14日 星期一

豬頸肉乾炒河粉

新鮮豬頸肉比較難買,見肉枱剛剛掛起,即買,靚靚豬頸肉,拿來炒個河粉,有樽贈品~瑞士汁,是買豉油送的,我其實勁討厭這類捆綁式產品,一買一定是已包裝好兩至三件貨品,梗要買一件便貴很多,迫人一次買多一二件貨品,而送的贈品不是想要的東西,廚櫃便有多支蒸魚豉油,雞肋雞肋,我不想用但棄之浪費!瑞士汁未試過便拿來炒河粉,炒好個河粉試下味先,一試之下,唉!不是我杯茶,即加調味再炒補救,好彩豬頸肉用平時醃料,幸保不失,爽口好味。

12 則留言:

  1. 記得初吃時大多是泰式炭燒,並未想到可以配炒河粉……
    早前曾有網友說豬頸肉即是豬的「面珠登」,不知這是否屬實?
    牛臉珠我就吃過,但因不懂烹調所以很韌,而西餐卻以此為名菜,早段時候更頗多人推崇呢!

    回覆刪除
    回覆
    1. 以前豬頸肉是平嘢,後來一登龍門便聲價十倍,你朋友沒有說錯是豬的「面珠登」,正式來講係豬的「面珠登」連着到頸的肉,其實隻豬條頸好短冇運動,脂肪分佈均勻,有點似霜降牛,好爽口,但太多脂肪不健康,偶爾食一兩餐點到即止好嘞。

      刪除
  2. 瑞士汁是帶甜,我不喜歡,所以不吃瑞士雞翼!

    回覆刪除
    回覆
    1. 我在外吃過瑞士汁雞翼是帶甜,可以接受,但多數現成醬汁都唔係咁理想。

      刪除
  3. 炒豬頸肉爽口好吃,以前好平冇人買,依家買一片要廿多蚊。
    瑞士汁我只用來做雞翼,炒河粉用老抽取色。

    回覆刪除
    回覆
    1. 我平時乾炒牛河都係用老抽,但係外面見過個菜牌有瑞士汁炒嘢,見有支贈品就攞嚟試下,但多數現成醬汁都唔係咁理想。

      刪除
  4. 豬頸肉炒洋蔥好正,瑞士汁我只會做瑞士雞翼。其他唔識鳥!

    回覆刪除
    回覆
    1. 豬頸肉好爽口,係外面見過個菜牌有瑞士汁炒嘢,見有支贈品就攞嚟試下。

      刪除
  5. 豬頸肉我以前有買來焗,當叉燒,好爽,後來聽説D肉有淋巴結,但吃之前,必須清理乾淨,所以少買。

    回覆刪除
    回覆
    1. 其實間中會見豬肉都會有D小肉瘤,豬頸肉有冇就唔知,但太肥唔健康就真,一年都係食三幾次,唔敢常吃。

      刪除
  6. 有人說豬頸肉係豬隻專門打針的位置,所以我不會買來吃。不過不是天天吃也沒問題吧。
    看來瑞士汁只適宜配雞翼吧,沒聽聞配其它東西的。有隻說不會加防腐劑的蒸魚豉油,真是蒸魚必備。這味道配菜幾好。
    不過我不吃得辣,所以沒有下胡椒粉的習慣。

    回覆刪除
    回覆
    1. 現代的食物很多都有問題,連菜都有人說下避孕藥去種,矮腳白菜就落矮仔素,魚蝦又用賀爾蒙飼養,連衣服也說至癌,真係食又死唔食又死,所以有癌病的人越來越多,知道那些有問題,便避得幾多得幾多啦!

      刪除