2015年12月28日 星期一

金鑲銀炒飯

              做完花彫蛋白蒸花蟹,剩下的蛋黃,唔想浪費,一於拎嚟做金鑲銀炒飯,雪櫃有蝦仁,買點义燒,飛魚籽,酌條菜便一餐,慳水慳力!
很多人說炒飯要用冷飯才可炒至粒粒跳,其實祗要將米水下少一點便可以做到效果,圖中的飯是〝滾熱辣〞從電飯煲中取出即炒,酒樓一般是先下蛋再下飯去炒,家庭式爐火與手力難與酒樓大廚相比,我偷雞將蛋黃打沸倒入飯中拌勻,才落鑊炒之,隻鑊炒完好乾淨冇黐鑊。

14 則留言:

  1. 係喎,我都無諗過將雞蛋溝咗茖啲飯度,然後再炒!你呢碟炒飯,可以金碧輝煌嚟形容!

    回覆刪除
    回覆
    1. 家庭式冇可能同酒樓比,如果爐火太猛又手慢,蛋落先已經熟左包唔切D飯,我用了偷雞方法,家庭食唔好咁高要求,都ok啦!

      刪除
  2. 碟炒飯靚到睇見都想食呀!

    回覆刪除
  3. 碟炒飯好靚呀!你落足材料,好好味呀!

    回覆刪除
    回覆
    1. 得碟菜冇其他餸啦!如果冇料俾人哦呀!

      刪除
  4. 學電視那位厨師話齋:D香味都"睇得出"!我流哂口水呀!

    回覆刪除
    回覆
    1. 多謝小月!D香味都"睇得出"你真係識氹人開心,咭咭...........

      刪除
  5. 軒姐,而家好多餐廳食肆…炒飯都冇用冷飯去炒,是關可以慳番人手和搵雪柜地方去擺,你知啦,現今香港的租金同人工都幾貴!
    早幾年,睇一套多年前王喜和劉家輝做的電視劇,劇情也有「金包銀」炒飯,隨即偷下師,雖做得似模似樣,可能爐火不夠大,炒出來的香氣反而不及傳統炒法的好,同時我喜歡多蔥,那才惹出蛋和飯的香味!

    回覆刪除
    回覆
    1. 我覺得除了爐火,個鑊都好重要,我試過用五層不銹鈑鋼鑊,易潔鑊,玫瑰鑊,點都不及生鐵鑊,生鐵鑊炒條菜都好食D,隻五層鑊就好似你所講,得個樣,煎隻荷包蛋都唔好食,係好金黃呀但唔脆又唔香,我食慣左生鐵鑊有鑊氣,頂唔順終於送左俾人,家庭式冇可能同酒樓比,即使俾酒樓的爐火我用,一時間都不能適應,炒燶都有份。多蔥係香好多,我都喜歡架,不過遇著唔食蔥嘅人,就大件事,咭咭......要遂逐粒蔥揀番出嚟

      刪除
  6. 正,呢碟飯好有水準呀!

    回覆刪除
  7. 如果有高膽固醇,的蛋黃無奈也要浪費。

    回覆刪除
    回覆
    1. 二十幾年前大爺驗到膽固醇高,我視之如洪水猛獸,嚴禁大爺飲食,大爺堅持照食,將平時份量減少,食十嚿變成食一兩嚿,後來醫生同我講大爺做法是對的,如果我全部唔俾大爺食會心理不平衡,我成十幾年唔食蛋,但最近又話強黃補腦,一星期唔多過兩隻冇問題,到最近又知道對膽固醇食物祗佔百份之二十,是遺傳及其他因素,真係唔知信邊個好。

      刪除