2015年10月2日 星期五

芝麻魚塊

 逢年過節餸菜或多或少都會漲價,中秋也不例外,記起翠兒曾教路,在凍肉店買冰鮮鴨會便宜點,我家附近平時已偏貴,有時節更不在話下,於是提早一天去觀塘買鴨,一隻平三十元,單是買四個壽桃平十五元,十五元已夠車費有餘。
一向奉行過時過節寧吃罐頭,也勿讓人明搶,除非有客到則另話。今次中秋試鹽水鴨有點冒險,萬一過鹹不能入口,便小了一個餸,

保險做多份燒肉,
買了兩塊龍脷,八元買了個沙葛煲淡菜瘦肉湯,炒碟青菜,二百六十元連車費,一樣有魚有肉有水果有湯過節,還要分兩餐吃,計算一下平均百多元一餐,飲餐茶也不止此價錢,咭咭..............個斧頭...................
見上次做脆脆魚塊細少喜歡,便再做,今次想改用芝麻去炸,用芝麻滾上了一塊魚肉,便知手上的芝麻會不夠用,於是混入麵包糠,做法跟脆脆魚法一樣,祗是在麵包糠中加了芝麻。做法按此
雖然芝麻有香味,口感卻不及純麵包糠呢!

8 則留言:

  1. 大刀濶斧地省下去,咁才是主婦持家聚富之道,哈哈........

    回覆刪除
    回覆
    1. 都係偷家補家,留番第日食好嘢!咭咭…

      刪除
  2. 軒姐,你講開芝麻,我就諗起一樣小食,「炸春卷」。
    相信現在已沒有人包春卷會在一邊掃蛋,然後再碌芝麻。
    這種食法除了外觀好睇,吃落亦十分香口,只不過炸的時候一定要掌握得好爐火。

    回覆刪除
    回覆
    1. 如心:你講起又真係好似冇見喎!

      刪除
  3. 舊燒肉脆卜卜好靚呀,睇見就流口水喇!

    回覆刪除
  4. 知慳識儉是美德!要向五姑娘學習。

    回覆刪除
    回覆
    1. 秋葉姑娘:向我學習真的愧不敢當!其實好多人都知道過節食材會漲價,會提早做節。

      刪除