2015年7月27日 星期一

細少的左右手


細少今年真黑仔,新年病了個多月後,開始踩單車積極減肥,香港人多車多較危險,話口未完,左手扭傷,痊癒後又到右手,今次更傷,因在單車徑閃避盲俠~失驚無神行人衝入單車徑,炒車~肩,膝輕傷,急症室醫生說右手輕微骨裂,要打石膏,一兩個月不能上班,急症室醫生馬虎得很,沒有正面望一眼,細少火了問醫生是否要看一看,醫生才望一望,打了一個臨時石膏,七日後再見正式骨科醫生,真奇怪醫生在第一次照的X光片找不到骨裂,照了新X光說一切正常,卻又打了正式石膏,三個多小時後醫院來電要求再照X光,令人質疑是否真的骨裂,打了石膏真的不好受,痕癢得很,日常生活,軒成了細少的左右手,每天要煮多一兩餐,細少不用上班整天上網,軒變了冇電腦用,如果開口細少一定肯讓,但做阿媽要識做,祗是趁空檔用,一篇有時分兩三次打,覆留言則用手機,之前趕第三本書,少了遊blog河,剛完成手頭工作,以為恢復正常,又到細少出事,今天趁細少去覆診,寫一篇長一點的網誌,細少來電仍要打兩星期石膏,有朋友告之拆了石膏可能要做物理治療,手尾長。
 後記:細少覆診回來告之,第一位醫生說骨裂,第二次去覆診醫生說看不到骨裂,第三次覆診醫生說是骨裂,咁即有醫生斷錯症。

第一次打的石膏夾到手瘀,手指動彈不得,細少剪開少許,拉鬆棉花再用AA膠黏返,手指才可郁動,今日覆診,第二位石膏師傅發現駁口,得知慘況,替細少鋸開石膏,重新再造,承惠百五,手勢好得很,細少話早知俾錢可以再造,一早俾啦!

18 則留言:

  1. 首先要說是希望細少快些康復,以免做母親的你擔心!
    然之後就給你個建議,我寫網文會在手機上之記事本寫,當寫完後用電郵寄回自己的郵箱,之後只要copy & paste 到日誌便可以了。
    這樣做是十分方便,因為去到邊可以寫到邊。

    回覆刪除
    回覆
    1. 多謝如心!睇見細少就真係辛苦。用手機寫,未試過呀!我一向在word寫,copy & paste 到日誌,照片放在桌上,其實我有手提電腦,但總覺不及大電腦好用就手。

      刪除
  2. 打了石膏以免再傷, 忍耐吓剌! 祝: 細少早日康復!

    回覆刪除
    回覆
    1. 多謝Daisy!打了石膏好痕,又抓不到癢,好辛苦!冇計啦!忍忍忍............

      刪除
  3. 意外有時好難避免,祝細少快啲好返喇!

    回覆刪除
    回覆
    1. 多謝Philip!細少仲要捱多十幾日至拆石膏。

      刪除
  4. 依家D醫生真係好求其,咁嘅情形,做亞媽的真係心痛。
    祝福細少早日康復!

    回覆刪除
    回覆
    1. 多謝小月!唉!依家D醫生,無論私家定政府,好多都好求其。一個話咁另一個又話唔係,都唔知信邊個好!

      刪除
  5. 希望細少苦盡甘來,現在開始從谷底回升,早日康復!永遠順境順意!

    回覆刪除
    回覆
    1. 多謝Stella祝福!希望黑完啦!

      刪除