2014年8月18日 星期一

白壁藏珍


        白壁藏珍~味道清新鮮甜

    幾忙都要設計個素菜,賀百厭大哥生日,買了時令食材,噉多瓜吾好聽,一定要改個好名,真是搜索枯腸。
材料:
冬瓜
合掌瓜
金瓜
冬菇
豆干
沙葛
莞荽
甘筍
中芹
做法:
合掌瓜、金瓜、熟冬菇、甘筍、沙葛,豆干切幼條,炒熟,下冬菇粉調味,待凍加入莞荽,用冬瓜切薄片,汆水,將各物包捲,中芹汆水撕幼作繩,加一片甘筍花作裝飾,大火蒸五分鐘,埋琉璃獻即成。


    近年菜販喜歡將冬瓜切成環狀出售,買來的冬瓜不是不夠寬便是不夠長,要用兩塊去駁,駁長還會容易,駁寬會比較難捲,幸而都成功!剩下一大堆切條物資,大爺要吃肉,便用肉絲炒之,細少問:mum!點解今餐噉齋?
軒咭一聲失笑!

大哥:粗粗地收住先!生日快樂!

12 則留言:

  1. 軒姐,這透明珊瑚物,哈哈…有點…驟眼還以為是用越南米紙做的素腸粉,你文中說搜索枯腸,在我來看卻成了「守素豬腸」粉卷,這一想便剛貼合了雨師伯的茹素!

    回覆刪除
    回覆
    1. 如心:多謝你一言驚醒夢中人,我粗心大意寫錯字,已更正,是搜不是守。透明物是冬瓜切薄片,如果用越南米紙會賣相更靚,不過應該冇冬瓜噉清甜,haha.....點整都好啦!你雨師伯都係得個睇字,祇是我一點小小心意吧!

      刪除
    2. 有得睇經已好開心嘞!何況有咁多好朋友相隔幾千里送上關懷!無言感激!

      刪除
    3. 大哥何嘗不是相隔幾千里送上關懷呢!

      刪除
  2. 軒姐早晨!白壁藏珍好有心思,好清新,引C人。

    回覆刪除
    回覆
    1. 惠惠晚安!尼個菜真係好清新!我食慣葷都覺得好食。

      刪除
  3. "白壁藏珍",真係好高貴的菜名,加上賣相又靚,我都好想食呀!

    回覆刪除
    回覆
    1. 改個好啲嘅名,即刻高貴咗,尼個菜真係好清新!

      刪除
  4. 原來是冬瓜,我還以為係粉卷添!

    回覆刪除
    回覆
    1. 尼個純粹係刀功菜,用粉卷就太容易,普通咗吾夠名貴。

      刪除
  5. 很美麗的一道菜式,又健康可口!

    回覆刪除
    回覆
    1. 真的好清新!吃慣葷的我也接受。

      刪除