2014年8月6日 星期三

是誰個混帳東西搞亂檔





樓下停車場頂的球場,每年都有兩三個月開放給大家曬晾棉被的,亦有人曬陳皮,藥材,廿多年來一向都很自律,沒有人去偷或去弄髒的,近日天氣炎熱,趁太陽高掛,取出翻潮的陳皮到球場曬,我那珍藏三十年的陳皮用大玻璃瓶盛載,絲毫不損,不用曬,看來要再找多一個大玻璃瓶盛載這批果皮了。我用報紙一張張鋪好,將陳皮放上便回家,這些普通陳皮便放心曬,曬了幾小時在窗目視了幾次也沒事,但突然一望,嘩!怎麼搞的,我的陳皮散落一地,報紙不翼而飛,馬上飛奔去球場,在三十六度下,好似個拾荒者四周檢拾果皮,已經有感冒底再曬,令我病上加病,頭重尾輕,周身骨痛,害得我要眠床倒蓆幾天!
是誰個混帳東西搞亂檔!
啍!真係想............



16 則留言:

  1. 軒姐,有得執番算好彩,千祈莫動氣,身體唔舒服就更要小心呀!

    回覆刪除
    回覆
    1. 我住了25年,一向都冇事,大家好自律的,未試過噉架,人家曬藥材都係噉,吾使看的,最慘我吾踎得,起身真係頭暈腳軟。

      刪除
  2. 五姑娘: 那搗蛋鬼真是害苦了妳! 三十年的陳皮好矜貴呀, 被人這麼一攪, 散滿一地! 累妳病起來, 真可惡!
    可能是些野孩子幹的吧 ? 妳好好吃藥休息, 快快好起來!!!

    回覆刪除
    回覆
    1. 呵呵! 原來是晒普通陳皮,, 要不要拿回去清洗過, 才再年去晒呢? 真是辛苦了妳, 保重啊!!!

      刪除
    2. 更正:是「才再”拿”去晒」。

      刪除
    3. 多謝秋葉姑娘關心,已好得七七八八,啲果皮吾洗得架,如果發霉都吾怕,用刷子刷去再曬就得嘞!食的時候用水浸泡,便乾淨,因我吾踎得,用報紙可以成份包起會放便好多,我在此住了25年,曬過好多次,大家都好自律,未試過噉㗎,你話係咪真係想打過佢至得呢!咭咭⋯

      刪除
  3. 軒姐:你有冇用磚壓報紙,li單系無頭公案,
    好猛太陽都會突然下雨你真夠胆
    我就成日撞板,好好休息!

    回覆刪除
    回覆
    1. 多謝關心!好得七七八八了!用石頭壓住,隔離人家啲果皮無事喎,係有人搗蛋呀!我住了25年,曬了N次,大家一向好自律,第一次噉囉!

      刪除
  4. 會不會大風將報紙吹走,導致陳皮散滿一地?老陳皮好值錢,照計如果有機心,應該取走你的陳皮喎!

    回覆刪除
    回覆
    1. 我有用石頭壓住,隔離人家啲果皮無事喎,我諗係啲頑童搗蛋!老陳皮我會看住嘅,尼啲係幾年貨仔陳皮至噉放心曬,且我住了25年,曬了N次,大家一向好自律,第一次噉囉!

      刪除
  5. 軒軒:您要小心身體呀,唔舒服就休息吓,遲D再曬過喇!

    回覆刪除
    回覆
    1. 多謝小月關心,睇左兩次醫生,瞓左幾日好左七七八八啦!細少同我睇D外國天文網站,準過香港,知道遲D會下雨,就搶時間曬,已經曬好啦!不過人老左冇以前噉好體魄係真嘅!

      刪除
  6. 香港嘅治安好似越來越差 !!

    回覆刪除
    回覆
    1. 我住的附近還可以,旺角一帶要小心,扒手好多,手機是首選目標。

      刪除
  7. 軒姐:保重身體,遲D再曬過,有些人好缺德,攪亂檔。

    回覆刪除
  8. 多謝惠惠關心,睇左兩次醫生,瞓左幾日好左七七八八啦!細少同我睇D外國天文網站,準過香港,知道遲D會下雨,就搶時間曬,已經曬好啦!

    回覆刪除