2014年8月11日 星期一

煙肉蒜茸炒椰菜

 最怕是感冒,我因曾手術全麻多次,氣管變得特別敏感,一有感冒便第一時間衝着氣管,喉嚨痛與咳一定第一時到訪,咳才痛苦,咳至似野犬亂吠,咳至聲嘶力竭,往往傷了聲帶,今次亦不例外,聲音沙啞多天了,吃西藥反應是懨懨欲睡,多數吃了半小時便藥力發作,不能不睡,但三個多小時便藥力消散,那麼前後便有個多小時可用,利用這空檔去買餸煮飯,做下要做的事情。我吾食家人都要食,懶了幾天不能再懶,口淡淡想吃點咸香食物,
買包煙肉煎香倒了肥油蒜茸炒椰菜,
滾個節瓜肉片湯,蒸個水蛋便草草一餐算了。

16 則留言:

  1. 軒軒:保重呀,我都最怕係敏感咳,好麻煩,最重要係保護住喉嚨,唔好冷親,雖然大熱天,盡量着有領衫啦。

    回覆刪除
    回覆
    1. 多謝小月關心!咳到肋骨都痛,最慘連身邊的另一半都嘈到瞓吾到,醫生知道後開左一種臨瞓食嘅止咳丸,至有覺瞓下,尼兩日好好多啦!

      刪除
  2. 軒姐你咳就千祈唔好食蛋,呢啲係我亞媽教㗎,仲有煙肉也對喉嚨發炎不好!
    小心身體,保重呀!

    回覆刪除
    回覆
    1. 多謝如心關心!已經好番好多啦!

      刪除
  3. 軒姐:食清淡D,咳嗽最麻煩,可以看吓中醫,清清感冒,祝早日康復!

    回覆刪除
    回覆
    1. 多謝惠惠關心!已經好番好多啦!

      刪除
  4. 咳係最麻手尾長!軒姐保重!

    回覆刪除
    回覆
    1. 多謝Philip!我係手術插過喉後至噉樣易敏感咳,睇左幾次醫生,已經好番好多啦!

      刪除
  5. 我試過咳成大半年, 真係怕怕。
    祝早日康復。

    回覆刪除
    回覆
    1. 多謝芹菜!咳成大半年,一定俾人捉去照肺!

      刪除
  6. 軒軒:保重身體要緊,祝你早日康復!
    試下睇中醫吖,醫好外感,才容易止咳架。

    回覆刪除
    回覆
    1. 多謝翠兒!大爺話人身體會自動做抗體,感冒菌在人體21日會自動死,如不死就人死,所以一般人睇完西醫一輪再睇中醫就好。我已經病左大半個月,尼兩日已經好番好多咳小左啦!

      刪除
  7. 軒姐,
    咳真係好辛苦,每次都要拼老命.
    夜晚仲討厭.成家人都不能入瞳..
    好好休息!.

    回覆刪除
    回覆
    1. 玲玲:真係咳到淚水流,大爺俾我咳到冇得瞓,而家好左好多,大家至有覺瞓。

      刪除