2014年8月25日 星期一

煎封鮫魚


細少有朋自澳洲來,相約出海釣鮫魚,
收穫甚豐, 細少展示部份的戰利品。
來電問要幾多條,我家食量小,我又怕魚腥,着細少取條小的好了,看!噉多都係要一條,其餘派街坊,得個玩字!
尼條魚其實好貴呀!
新鮮魚的顏色閃閃生光,有幻彩色。細少與朋友即晚已將釣獲往酒家吃,但煎封鮫魚強差人意,
非常失望回來問:mum,你識吾識整煎封鮫魚?我有朋友俾左條link,話好得。
軒失笑:我識整個陣,你吾知係邊!我小學五年班已經識整啦!
細少話有條link好得,噉梗係攞嚟睇下,研究下有冇可取經的地方, 一看份量應該好甜,再看清楚是上海菜的燻魚口味,但不是炸而是煎,和一般煎封有少許不同,一般是煎好後加汁略煮令其入味,而這食譜是煎好蘸汁,應該會好脆口。既然細少想試,明知會偏甜,都照足個食譜,
細少一食問:乜咁甜嘅?
軒:照足你個食譜囉!
細少一臉無奈!
軒:第日得閒整一次阿mum小時候的煎封你試啦!
其實細少小時候曾吃過煎封,近年因投其所好,多蘸茄汁或沙律醬,所以忘記了。


14 則留言:

  1. 嘩!細少好犀利呀!釣到咁多鮫魚!又新鮮又大條,好貴架!

    回覆刪除
    回覆
    1. 尼到係部份,俾左一盆過人,條魚真係貴,出一次海真係吾平,食慣左釣的魚多,買親魚都話吾得,冇乜酒樓啲魚滿足到佢。

      刪除
  2. 軒姐,細時吃過的煎封味道當然係好回味,但點整同點醃就真要講師父(阿媽咪係師父咯),比如我小時最喜歡吃嘅炸獅子魚,煎紅衫魚,煎釀鯪魚,荀蝦炆魚頭等等,我全部都唔識整,我同細少一樣,返到屋企就係等食!
    我也喜歡上海菜的燻魚,鳳尾魚,潮州打冷的酥炸牙帶,和香港西餐的煙燻䱽魚…
    如果軒姐可以嘅話,寫篇介紹怎樣整魚的食譜就好!

    回覆刪除
    回覆
    1. 如心:你太謙了,你怎會不懂烹調魚呢!魚對我嚟講係有難度,因我怕腥,剩電梯祗要人家買了魚,一進電梯我便嗅到,但孩子成長是要需要魚的,不得不煮,試過一路煎三文魚一路嘔。

      刪除
  3. 好勁呀!釣到咁多鮫魚!依家啲鮫魚價錢唔平!

    回覆刪除
    回覆
    1. 因我怕腥,噉多都係要一條,其餘派街坊,得個玩字!

      刪除
  4. 嘩,咁多咁靚嘅"扁鮫魚",比我就拎嚟打魚旦,冰咗佢留番慢慢食了,記得細時亞媽成日都買鮫魚來打魚旦,因鯪鱼貴,鮫魚平,但而家D鮫魚都以両計,係上價魚了。

    回覆刪除
    回覆
    1. 以前是平價魚,而家就4-4.5一両,都幾貴。因我怕腥,剩電梯祗要人家買了魚,一進電梯我便嗅到,但孩子成長是要需要魚的,不得不煮,試過一路煎三文魚一路嘔。冰格無噉多位,所以噉多都係要一條,其餘派街坊,得個玩字!

      刪除
  5. 回覆
    1. 以前係平價嘢,而家都幾貴。

      刪除
  6. "世上只有媽媽好....." .真係很好的歌詞。你做到喇,兩位少爺真有福氣!

    回覆刪除
    回覆
    1. Man Man:我都係盡力而為姐!汗顏呀!

      刪除
  7. 我有時買兩條扁鮫做魚蛋, 以前好平, 依家幾拾蚊煎埋得無幾多 ! 細少釣左好多喎 ! 0係邊度釣?

    回覆刪除
    回覆
    1. 以前係平價嘢,而家都幾貴。細少係乘船出海,無一定目的地。

      刪除