2014年7月2日 星期三

代勞



                                   這祗是三百多個曲奇餅

     一次的伴手禮,令好朋友回味,她親友眾多,想要多一點作手信,於是答應代勞,一不做二不休,一做三百多個,嘩!好重手,十磅有多!交到她手中,看她笑逐顏開,有人欣賞軒內心感到滿足!
    細少一次多嘴,在臉書透露有曲奇餅,結果群情洶湧下,又再做了幾百個曲奇餅,好彩吾係一次過做!係分開做,前後做了八百幾曲奇餅,但都真係做到手軟!



20 則留言:

  1. 仲要個別包裝,軒姐佩服佩服

    回覆刪除
    回覆
    1. 個別包裝可以保存好好多,吾會腍呀!

      刪除
    2. 流哂口水了…乂知你辛苦,忍忍忍

      刪除
    3. 如果你有舖,我一定買。

      刪除
    4. 吾駛忍!下次入元朗請你食!開鋪聽執笠:D

      刪除
  2. 軒姐,如果我冇睇錯,呢款應該係曲奇餅中之極品「杏仁曲奇」。以前我做過,功夫可比牛油曲奇多,但我太太卻喜歡牛油唧花那種(像藍罐曲奇其中的一款),不過我都係咁認為,因為這邊我未買過有邊隻牌子的曲奇好食過我整,以前有網友跟我做,她也說認真不錯呀,慚愧!

    回覆刪除
    回覆
    1. 係吾係極品就吾知,不過朋友的同事問:究竟五味軒間鋪喺邊?曲奇已經好油,唧花仲魔鬼,又懶洗打蛋器,所以我揀杏仁曲奇做,我做過噉多款曲奇又真係好似尼款最受歡迎。

      刪除
    2. 多年前的總統酒店(凱悅前身),那時的杏仁曲奇是要預訂,否則你有錢也買不到!
      我知此款曲奇是很考刀功的,軒姐,我又知多你一長處了…哈哈!

      刪除
    3. 那時候我是窮家女,連甚麼是曲奇也未知,雖然現在仍是窮,但不至一貧如洗,相比下已經吃得比前好,到有得吃又話肥又話膽固醇高,你話幾惱人呢!對呀!此款曲奇是很考刀功的,我都處理得吾好,有厚有薄,吾係拎嚟賣,刀功就無所謂啦!我的短處一籮籮呀!^0^

      刪除
  3. 軒軒:咁大制作,真係好佩服您呀,我都好欣賞您呀,幾時幫我整番D呀,he ! he !

    回覆刪除
    回覆
    1. 小月:多謝你欣賞我呀!你廚藝也很好,使乜搵我吖!咭咭...........

      刪除
  4. 軒姐:好有耐性,個別包裝,愛心杏仁曲奇!

    回覆刪除
    回覆
    1. 惠惠早晨!個別包裝可以保存好好多,吾會腍呀!

      刪除
  5. 吓!八百幾曲奇?我想問下你一次可以焗幾多塊呢?
    聽到個數字我吾止手軟(杏仁曲奇要好用力去切才靚的),仲好眼瞓添呀(我焗曲奇會好眼瞓架)!

    回覆刪除
    回覆
    1. 一次焗20塊,由朝焗到半夜三更,雖然係分開嚟做,真係好攰,細少要同我揼骨呀!

      刪除
  6. 尋日坐地鐡見兩個大陸女人好滿足咁, 每人拿著 6 罐熊仔曲奇, 我又唔係覺得好好食, 唔明佢地排晒長龍搶購 !!

    回覆刪除
    回覆
    1. 可能你焗的更好吃 ! 流口水ing .............

      刪除
    2. 自己焗勝在無添加劑,大陸可能都是名牌效應吧!聽朋友説替大陸朋友買金莎朱古力,並非送禮是給孩子作零食,以示吃得起,有身份,唉!害了孩子呀!

      刪除
  7. 佩服軒姐功夫,又有耐久,愛心暴崩,嘩,有得讚,無得彈!

    回覆刪除
    回覆
    1. 多謝掌門師妹!朋友俾面啫!噉阿仔叫到又無托手踭嘅!

      刪除