2014年5月13日 星期二

豉油皇炒麵~附食譜


16.Apr.2012發佈


細少拍完燕子回來,整天扮拍翼張大口問攞食,好人都氣壞,

好!我又玩埋一份,



炒碟豉油皇炒麵,一條條麵當蟲蟲,似吾似?

 
材料:

炒麵餅三個

 
火腿半包切絲
 
芽菜小許

韮菜花一扎切段
 
(細少不愛吃韮菜,所以用韮菜花,可改用韮菜)
 
豉油皇汁:

生抽4茶匙

 
  老抽2茶匙

 砂糖1湯匙
 
 1湯匙
 
做法:麵餅用凍水稍浸,弄鬆散,滴乾水備用,
 
      下油炒火腿絲加芽菜韮菜花快炒,備用,
 
  下油炒開鬆散麵餅,加入豉油皇汁兜均,
 
   火腿絲芽菜韮菜花兜均即成
 
小小心得:芽菜韮菜如下鹽炒會出水,
 
炒時用筷子鑊鏟一起炒,便可弄鬆麵餅。

8 則留言:

  1. 好正喎! 午飯時莫非要叫番碟豉油皇炒麵?

    回覆刪除
    回覆
    1. 出去食邊有咁好料,好多時D韮菜老過我呀!

      刪除
  2. 如果我炒麵或炒米粉,有人用冷水或暖水浸開浸軟,而我卻相反的使用滾水,當麵條、米粉散開就倒在筲箕隔水,然後撥開放在枱上(千祈不要過凍水),之後放涼些才去炒,除不黐鑊外,更很易的炒,這是從一些酒樓師傅處學的方法。

    回覆刪除
    回覆
    1. 你炒米粉的方法好正確,但漏了一樣,係將米粉倒出後用布蓋著再焗五分鐘才炒,這是美心皇宮的一個師傅分享出來的,經這樣一焗便不會㚈軟內生,很透心的,我曾經將這方法post過-星州炒米,但好多人祗要不是他們的方法,便覺得你錯,當時都有些人留言話吾係噉煮。至於炒麵用凍水浸泡會比熱水爽口,但當米粉噉整就未試過,揾日試下有乜分別,再同你研究過。

      刪除
    2. 軒姐你說得對,我真係忘記講要用塊毛巾蓋住數分鐘。
      還有一樣要說,米粉有好多種,以上浸米粉的方法只限於東莞或江門較粗身的那種,至於台灣新竹和另一隻超幼身的超力就未試過,唔知呢兩款炒出來好食嗎?及容不容易炒?

      刪除
    3. 你講得無錯,只限於東莞或江門較粗身的那種,因當年大陸想打開香港市場,美心皇宮贊助舉辦了一個滿漢筳席,出了一本特刊,推廣芧台酒,糯米粉,粘米炒粉,米粉等特刊,同美心皇宮合作當然由美心皇宮師傅提供秘方,本特刊上的廣告,電話號碼港島要加5字,連地區字頭才7個號碼,現香港廿幾年前已冇分地區,一律8個號碼,我估計這特刊少說應該係二、三十年,曾聽一些前輩慨嘆現在有些新扎師兄,都吾跟章法煮。係台灣渡蜜月吃過正宗新竹米粉,好好食,吾知係咪先入為主,總覺不及在台灣甫里吃的新竹米粉,超力我吾係好鍾意,都係吃孔雀牌多。酒樓都用粗身米粉,相信一定有原因。

      刪除
  3. 豉油皇炒麵,我是極愛吃的
    可惜在街上很難找到很美味的豉油皇炒麵!
    飛鳥

    回覆刪除
    回覆
    1. 都係架,好多炒得吾好食。

      刪除