2014年5月31日 星期六

咸肉糭&素糭2014


     每年都會包小小糭應節,今年一開始,第一隻糭還未完成便已爆葉,情況每況愈下,不停爆裂,近年都有爆葉情況,但也沒今年厲害,心中暗驚,難道是我回航?一直左補右補,終於完成,致電母親請教,少說她已包了六十多年,原來今年連母親都老貓燒鬚,已不惜腰間錢,四十八塊一斤竹葉也如此爆葉,母親說是無良商人把一些非正宗上海竹業夾雜在其中,大家買過都知是一小扎,一小扎的,不能揀,於是無良商人便夾雜了一些雜竹葉在其中,在從電視新聞得知,今年竹葉失收,竹葉價格飊升,格飊升不在話下還要夾雜了一些雜竹葉在其中,真真無良!
食譜在此
  包了幾條素糭,用竹葉擊上以作析別,用另一小煲烚,真的是素淨。



 素糭

多豆咸肉糭
翻閱本陳年筆記,由1984年開始學包五角糭,是13元1斤五花,現在已38元1斤,物價的漲幅是幾倍,由最初沒有份量,每年試一次,不是咸便是淡,試了多年終於有一個適合家人的味道。一回首由少婦已變作老婦!

12 則留言:

  1. 奸商即係奸商,真係好無奈。
    您包D五角糉好靚,我淨係識包枕頭糉,不過依家我一為懶,二為喜歡吃的,已他往,D後生都唔多食,自己身體又可以食,所以我已拾多年沒有包糉了。

    回覆刪除
    回覆
    1. 真係奸商嚟呀!冇人食真係冇心機包呀!

      刪除
  2. 糭,賣得貴是對的,只是做和材料就已經夠嚇人,所以我寧願去買.....
    再,我這邊乜都貴,鹹蛋,諗起就唔捨得食,遑論五花腩,這裡賣差不多NZ$18~20 一公斤,百多港元仲係帶皮及少量骨的,哈...有冇嚇親你,軒姐。

    回覆刪除
    回覆
    1. 這個當然啦!物離鄉貴嘛,且要計番當地生活指數。包糭吾難,最煩係洗糭葉,逐塊底面洗,真係有排洗,如果包左冇人食,就吾會有心機再包。

      刪除
  3. 依家啲人做生意,一啲都唔老實,錢就識收,但品質就欠佳!

    回覆刪除
    回覆
    1. 以前最多呃下秤,邊有而家噉離譜吖!乜都假!

      刪除
  4. 我都有爆葉既問題,我以為自己太耐冇包,吾識包咋。

    回覆刪除
    回覆
    1. 我又係以為耐無包定係我老左回航呀!包到CC下呀!

      刪除
  5. 軒姐:端午節快樂!今年我冇包糉,因為老伴膽固醇高.買兩隻過節算喇.

    回覆刪除
    回覆
    1. 惠惠:阿仔話要幾隻送人我至包,如果吾係都吾包啦!一身功夫呀!

      刪除
    2. 軒軒D出品咁正,囝囝梗係要柯打送畀人啦,做亞媽既幾辛苦都會滿足囝女要求架。

      刪除
    3. 翠兒:D囝女駛阿媽就即做,阿媽駛囝女就.........

      刪除