2014年5月16日 星期五

菜飯

菜飯

      與如心兄談及菜飯,挑起條筋,即刻去食,哎呀!幾十個大洋換回來:豬扒腍,菜又黃又腍,都不打緊,仲好難食,完全兩碼子事!雖然未做過但知道大概,把幾火即刻自己煮,試左兩次,一次係飯將熟放入小棠菜,一次係炒好小棠菜拌進煮好的飯中,後者來得好,菜的腍度與顏色可隨意控制,心得:小棠菜不要下鹽炒,因會出水,將鹽加到洗好的米中,


不管是否正宗,嘿!自家煮起碼有塊脆卜卜的豬扒!

15 則留言:

  1. 咁又一餐咯. 祝本周末愉快!

    回覆刪除
  2. 出街食野通常都食吾到想要的味道,仲要好難食慘呀!
    都係自己煮好D!

    回覆刪除
    回覆
    1. 賣相差都無所謂喇,仲鬼噉難食,真係把幾火,幾十個大洋,食又吾係,吾食又吾係。

      刪除
  3. 你嘅廚藝了得,梗係自己煮好得多喇!

    回覆刪除
    回覆
    1. 我吾係廚藝了得,係尼個好易整啫。

      刪除
  4. 出外吃,最怕有被搵笨的感覺!
    若自己做,做得不好也知道「為甚麼」!那當然會辛苦多些。

    回覆刪除
    回覆
    1. 諗著一個人食,懶懶地出去食啦!點知激鬼氣,賣相差都無所謂喇,仲鬼噉難食,塊豬扒又老又嚡又吾脆,真係把幾火,幾十個大洋,食又吾係,吾食又吾係。

      刪除
    2. 軒姐,我都試過同你情況一樣,係豬扒醃得唔好,其實醃肉好講功夫,醃得好食大多都冇乜益㗎,只係落多些疏打粉和生粉,配合得好就好食,不過嗰陣疏味好重仲更加難頂喇!所以有時塊豬扒嚡啲唔係表示唔好,假使佢地用塊優質的也很好食......
      記得多年前貪便宜用過大陸、阿根廷、南非等地的豬扒,若非有番咁上下功夫都幾難醃得好!

      刪除
    3. 我知道有一個方法係疏打粉味,係用疏打粉開小小醃,然後用水洗到無疏打粉味至醃味,噉就梗係要落味精啦!我自己食係吾落疏打粉,買些梅頭扒,係咁意用刀背刴下,已經好好,尼間野連味都吾好,D野整好好耐,D菜焗到又黃又熟,塊豬扒炸完又炸,乾哂好似柴皮,個廚要打pat pat呀!一碗飯半塊豬扒收幾十蚊,仲要噉款。

      刪除
    4. 手機真係易打錯,係用小小水開疏打粉醃。

      刪除
    5. 你講嗰種方法我知道,他們不是落小小疏打粉,係勁重手的,因沖到乜營養都冇,這等如食一些化學垃圾,還有,好似以前係街邊賣的生腸墨魚雞腳,賣嗰個人同我講,他用清潔的哥士的來醃,然後拿去公眾廁所內的水喉來沖幾小時,直至發漲發白彈身為止(這當然在他冇做小販後講喇),所以我是極度憎厭這種無良的烹餁醃肉手法!

      刪除
    6. 那些豆腐鋪賣的魷魚牛柏葉都係用哥士的浸發,上午浸下午已可賣,有良心才用梘水浸,大爺聽個客講,D人去鞋廠收D碎皮返嚟,用哥士的浸泡切碎加飼料餵白鱔,可快速成長出售,本來牛皮係可以食,但D染料係工業用仲加哥士的,嚇到我尼兩年吾敢買白鱔。尼D黑心食品以前都有,不過吾及現在的無良心,賣果樣就吾食果樣,自己心知肚明。

      刪除
  5. 從五姑娘和如心老表的對話中,使我得益不少。那些不良手法的製食物方法,雖然也有聽聞,但不及你們兩位所說的直接及真實。

    回覆刪除
    回覆
    1. 唉!現在人心都變了,做生意想大賺無可厚非,但亦要取財有道啊!曾看一大陸台,主持大駡,高官自己吃的找人耕種,飼養家禽,噉即係明知食物有問題,是否高官命矜貴,蟻民命賤!

      刪除