2017年8月3日 星期四

是拉差香茅單骨雞翼~食譜

    不經不覺在中心當義務導師已六年,與同學們相處融洽,但因資源問題,每堂食材都有基數為上限,每三個月為一期,軒本著讓學員可以有機會吃一些比較貴的食材,通常有兩堂選取價格較廉的食材,將剩下的錢在其中一堂或做節,吃上豐富的一餐,試過每人一隻特大藍尾蝦,也試過吃羊肉,甚至有時有餘錢便加煲一款糖水,看到大家吃得開懷,軒也甜在心,多年來唯一令軒覺得困擾的是不可用明火,感覺被廢了一半武功!
最近試了一次是拉差香茅雞翼,食材算是便宜,決定拿來上課用,但上課有時間限制,於是決定做單骨雞翼,可以快速入味,因祗是自己家人的口味,想聽取多點意見,於是拿到畫室,找畫友幫忙試味,因為口感特別,總是有種說不出的味有一位畫友好搞笑要每位同學吃完要說出有甚麼醃料,說不出下堂要做一樣食物拿來請大家吃,嘻嘻哈哈之聲不絕,歡愉的度過一晚。Miss認為味道太複雜,但畫友們卻一致認為複雜才是特別,於是拿此食譜到中心上課,有人喜歡辣,認為要加辣,口味便是如此,每個人都不同,必自行調節。
中心有部份同學沒有焗爐,改全部用煎的方法也可行。
Aeon超市12.9一包,便有齊香茅2支,青檸1個、南薑一大塊、檸檬葉,紅蔥頭。
材料:
雞翼1
香茅2
青檸1
南薑適量
檸檬葉3-4
紅蔥頭2-3
蒜頭3
醃料:
生抽4茶匙
老抽4茶匙
魚露4茶匙
砂糖1湯匙
是拉差牆1 1/2湯匙
做法:雞翼退冰洗淨抹乾水份的,用剪刀將雞翼剪開成單骨雞翼,香茅用刀拍切碎,南薑切碎稍搗出味。檸檬葉、紅蔥頭、蒜頭切碎,青檸搾汁與醃料加入雞翼中醃15分鐘,先用平底易潔鑊煎至兩面上色,再入焗爐200度火焗至金黃掃上粟膠,再焗五分鐘即成。
中心有部份同學沒有焗爐,改全部用煎的方法也可以。
在Aeon超市12.9一包,便有齊香茅2支,青檸1個、南薑一大塊、檸檬葉,紅蔥頭。
小小心得:煎之前將檸檬葉、紅蔥頭、蒜頭,香茅等等用手撥去,易潔鑊可以不用下油,中慢火煎,焗盆要墊錫紙,會將雞翼的油迫出。


12 則留言:

  1. 看到材料味道應該很香濃,我自己做就喜歡簡單,不過,唔使做有得食,我又唔介意複雜,嘻嘻

    回覆刪除
    回覆
    1. 味道係好香濃,有少少辣,其實又唔係好複雜,切多少少嘢啫。

      刪除
  2. 似乎呢個醃料也可以用來整豬扒?
    可能燒羊腿都可以喎……

    回覆刪除
    回覆
    1. 好煑意!怕羊羶味,我諗這個可以幫到忙。

      刪除
  3. 入焗爐200度火
    焗至金黃
    灑盬

    回覆刪除
  4. 睇見咁多材料和醃料就知道不簡單了!

    回覆刪除
    回覆
    1. 其實真係唔複雜,切多少少嘢啫。

      刪除
  5. 軒姐:聽見你們食得咁开心都想即刻加入你們.嘆!可惜住得大遠啦!小滿

    回覆刪除
    回覆
    1. 上畫畫堂好開心架,佢地唔整就買啲嘢返嚟食,又食又講,好快一堂。

      刪除
  6. 中心當義務導師已六年,D同學真係有口福喇!
    我想問是拉差醬去邊度買?

    回覆刪除
    回覆
    1. 都開心架,大家好似老朋友咁,吱吱喳喳又一堂,是拉差醬,我在Aeon買(即以前吉之島)佢有兩款,我買李錦記,其他超市可能都會有,我去惠康睇過有得賣,係賣辣椒醬類便有,其實我在aeon見到冬蔭功材料,靈機一觸加其他醃料而做,不過冇落辣椒,少辣大眾化啲,勁辣不是人人吃到。

      刪除