2017年1月3日 星期二

簡單版鹽焗雞


最近無線播出一個罕有的真正烹飪節目,沒有供應商的讚助,沒有商業味,真真正正的解說。每一個廚師必有自己的獨門方法,方法因此往往會各有不同,沒有絕對的對與錯,取長補短,能適合自己做得成功,便是好方法,高手出招,當然晚晚追看從中學習,有一晚教鹽焗雞,記起年少時曾做過兩次,因為鹽有鹹氣,焗完後會令生鐵鑊起銹,要重新開鑊,連鑊鏟鑊蓋都燻到黑黑的,費力清潔,剩下的鹽放久了有油膉味,自此不再做,看到人家隻雞出爐靚到冇朋友,即挑起條筋再做,但節目中要用156斤鹽,一聽便知,一般家庭無可能會有如此大容量的鑊,我隻14 吋半鑊祗能放5-6斤鹽,依稀記得以前是焗到一半便要翻面再焗的,但節目介紹,先焗25分鐘,熄火焗30分鐘即熟。於是照跟,焗夠30分鐘,扒開鹽一看,底部近火的一面熟,頂的一面全生,祗好再炒熱鹽,將雞反面再焗30分鐘,由於要加時,又趕開飯沒有熄火
再焗便取出,但仍未熟透,祗好借助微波爐才有得吃。估計15、6斤鹽,熱力一定大,所以半小時便熟,5、6斤鹽熱力不夠,中途一定要翻面焗。
留下大量鹽,心有不甘,早兩天新年再試做,今次用焗爐做,上下都有發熱線,變成上下都有熱力,方便容易得多了,事後清潔也容易。
材料:
不銹鋼盆1
光雞1隻約110
粗鹽5-6
沙紙3
3
2
老抽2茶匙
醃料:
幼鹽3茶匙
鹽焗雞粉2 茶匙
五香粉1/3茶匙
玫瑰露酒2茶匙
做法:
雞洗淨抹乾水份,用醃料捽勻雞肚及皮,用老抽搽勻雞皮,將薑蔥放入雞肚內,吊起吹乾半小時,沙紙一張搽上油,將雞放入包好,再用兩張沙紙再包裹,在不銹鋼盆上,先放1/3鹽在底,將雞放在鹽上,再用其餘的鹽覆蓋,

用最大火250度焗一小時取出,除去沙紙,

稍凍即可斬件上桌。陣陣鹽香,yummy
小小心得:鹽雖然可以留作下次用,但不宜儲存過久,因焗的時候雞的汁會流在鹽中,儲存過久會有油膉味,今次焗一小時是骨帶血,夠滑,但大爺怕生,下次還是加多十分鐘好了。因應雞的大少重量及各家爐火而調節時間。擔心鹹氣燻到焗爐,加張錫紙蓋在鹽上即可。

17 則留言:

  1. 沒有供應商贊助的無線烹飪節目
    鹽焗雞

    回覆刪除
  2. 小時候我父親也曾整過鹽焗雞數次(其實是他對母親的指指點點),好吃與否亦記不起了?那時用的是新界農場雞,好大隻,應該有三、四斤重(是姑母養的)。
    煮的方法與你說的差不多,但就沒有裹砂紙,所以焗好後顏色雖然很靚,但有些部位卻顯得頗鹹!

    你那隻雞好看到不得了,有及時蘸砂薑鹽和蜆芥呢?

    回覆刪除
    回覆
    1. 我都聽過有人不用沙紙包就焗,我試過焗雞翼,係鹹到不能入口,因為食物熟左一定有汁,一定會黐住啲鹽係到,用掃去掃都掃唔到,我昨天帶母親去做物理治療,說起鹽焗雞,原來我滿月的時候曾經到會,見到大廚整鹽焗雞,自始我太婆常做,同我的方法一樣,先炒鹽蓋好焗,中途反面再焗,佢地會用舊鑊或瓦罉去焗,但炒過的鹽有雞油雞汁不耐放,太婆仙遊後便沒有再做,我反而未吃過母親做的鹽焗雞。

      刪除
  3. 你隻鹽焗雞焗得好靚!
    早期雅虎年代我也玩過,焗爐太細,只做了鹽焗乳鴿,賣了幾斤很大粒叫馬牙的粗鹽。

    回覆刪除
    回覆
    1. 多謝翠兒!影相會靚啲咋!我三十幾年前做過,果陣隻鑊係18吋,好易炒鹽,但係啲鹽搞到隻鑊起銹,同埋啲鹽放耐左會油膉味,之後就無整,一隻雞人少食唔哂,所以我本啤一啤美食就改左介紹用焗爐鹽焗雞翼同魚,我今次用個24cm打蛋盆,一隻斤十二雞剛剛放得落,我諗用26cm可以整隻中雞,28cm就關唔到爐門,大雞要用炒鹽至得。其實都幾貴架,沙紙3元一張,3張就9元,另外幾斤鹽又十幾元,不過挑起條筋又玩下囉!

      刪除
  4. 你焗得好靚呀!十幾斤鹽焗法,普通家庭真的很難做到。

    回覆刪除
    回覆
    1. 多謝EE!影相靚啲嘅!十幾斤鹽真係好難做到。

      刪除
  5. 好靓呀,流哂口水,我試過學朋友用疍白撈粗盬,用焗爐焗,都好味,但我玩過一次咋

    回覆刪除
    回覆
    1. 多謝小月!我焗烏頭就用蛋白撈粗鹽,焗雞怕會黐甩雞皮就未試過。

      刪除
  6. 好靓呀,流哂口水,我試過學朋友用疍白撈粗盬,用焗爐焗,都好味,但我玩過一次咋

    回覆刪除
  7. 隻雞焗得好靚,剩咗D鹽吾知點用?

    回覆刪除
    回覆
    1. 多謝惠惠!剩左啲鹽可以再用,也可以焗雞蛋同其他嘢,但因為有雞油雞汁沁左落去,唔可以放太耐,盡快用多幾次。

      刪除
  8. 焗得好靚!就算幾斤鹽都煩,咪攪!

    回覆刪除
    回覆
    1. 多謝宗姐!影相靚啲咋!啲鹽要盡快用多幾次,耐左會有油膉味。挑起條筋至整下咋!其實下欄錢都唔平架。

      刪除
  9. 要用咁多鹽先到焗到一隻雞,睇怕都係出街食較為乾手淨腳。

    回覆刪除
  10. 咭咭....睇怕出街食又未必食到真正鹽焗,取巧係用鹽水浸到差不多熟,包張沙紙用啲鹽炒熱蓋著焗一陣,就話鹽焗雞。

    回覆刪除