2016年4月1日 星期五

黃肋班


   細少與朋友出海釣魚,細少釣了條白鬚公,朋友更勁釣得一條有錢難求的黃肋班,還超大條成六七十斤,
細少當然要叼光,拿來拍照,
分了幾斤回家,細少說此魚有錢難求,一定要仔細品嚐,吩咐清蒸,趁新鮮當然要拿些給老父老媽一嚐。

蒸了差不多兩分鐘,緊緊熟,兩碟魚咁多,一向不大愛吃魚的我,一於食魚唔食飯,未食過魚皮咁好食,爽口彈牙,果然名不虛傳,正!

16 則留言:

  1. 軒姐:係自己個仔攞返嚟…咁你梗要捧下場啦!
    而呢條黃肋斑會唔會都叫龍躉呢?
    再,咁大條,斬個魚頭分分鐘會斬崩刀㗎,這邊的人會用鋸嚟鋸開的。
    另,想問那條白鬚公又點樣處理?

    回覆刪除
    回覆
    1. 唔係!尼條係石班,龍躉屬石班科,全世界得三種龍躉,龍躉的鱗生在魚皮內,形成了「皮包鱗」,石斑的鱗片則長在身體最表層,這是龍躉跟其他石斑魚最大的分別。佢地拎去魚檔劏,收4百大洋人工,又鎚又刀劏左半個鐘,班後生掛住拎自已嗰份,俾人偷左個魚標,花膠呀成呎長,好值錢嫁,仲偷左啲魚,去到酒樓砌唔番條魚至知俾人偷。白鬚公唔好食嘅,不過有朋友無魚不歡,攞左去炆蘿蔔。

      刪除
  2. 睇見都流哂口水,兩種魚都未食過呀,細少好犀利,依家真正嘅海魚真係好難得咖.

    回覆刪除
    回覆
    1. 白鬚公唔好食嘅!條黃肋班好少有,真係有錢都未必食到,隨了技術最重要都係運氣,咭咭......人有食神魚冇運。

      刪除
  3. 嘩!細少好犀利呀!不過咁大條魚,拎住影相都好困難;釣到條魚會反抗架,點上水呢?好擔心呀。

    回覆刪除
    回覆
    1. 細少嗰條白鬚公係7、8斤重,易搞。佢朋友釣尼條6、7拾斤一個人係冇可能將條魚上水,係細少同另一位朋友幫手,三個人至拉到上水。

      刪除
  4. 勁勁勁!!!
    魚靚又遇大廚手藝,千金難求!

    回覆刪除
    回覆
    1. 咭咭.......咁大頂帽點戴呀!不過條魚就真係千金難求!好難至遇上。

      刪除
  5. 細少完全康復,咁大條魚都拎得起,恭喜!

    回覆刪除
    回覆
    1. 多謝stella!細少個爛玩精,隻手未好已經週維玩啦!

      刪除
  6. 嘩!細少和朋友好勁呀!兩條大魚,稔吓都開心。

    回覆刪除
    回覆
    1. 釣到魚已經開心,仲咁大條,佢地好興奮呀!

      刪除
  7. 嘩!釣到咁大條魚,真開心死!

    回覆刪除
    回覆
    1. 係呀!成班人好興奮!開心死呀!

      刪除
  8. 若能放生
    就功德無量
    阿濔陀佛
    若往生了
    就食得唔好浪費

    回覆刪除
    回覆
    1. 謝謝到訪!人有食神魚冇運!

      刪除