2016年1月9日 星期六

金華火腿白菜粉絲湯鍋

    近日感冒,看了醫生,仍未好轉,咳嗽連連,難為大爺被吵至冇法睡,咳至聲嘶力竭,一晚之後失聲,啞了幾日,醫生轉了新藥,思睡倦怠得不想起床,大哥寄語『萬事莫理』要休息,今次真的理不得,吃了藥沉睡中!已經成個星期,感冒已經好轉,把聲開了一點,但仍是嘶啞,說話困難,看來要一段時間才康復,唉!間屋變左垃圾崗!稍稍勞動已感疲倦不想動,但家人已吃了兩天飯盒,都要煮啦!簡單一點好了,有朋友送了一塊金華火腿,存放雪櫃已久,取出汆汆水才用,有湯、有菜、有粉絲,豆卜、金華火腿,清清地一餐!

20 則留言:

  1. 軒軒:保重呀!祝您早日康復!
    我與您可算難姐難妹,齊齊要請醫生飲茶。

    回覆刪除
    回覆
    1. 多謝小月!點至請醫生飲茶吖!請食飯都得啦!都唔知係依家D病菌惡定係人老左抵抗力弱左,睇一兩次係唔會好,要兩三次至好,睇兩三次成千銀,食飯都幾好餸啦!自己唔爭氣冇計啦!

      刪除
  2. 清清地一餐都唔錯,胃口好嗎?可以吃番正餐有番體力容易快好的,垃圾崗都唔好理住啦!一定要有番精神才攪佢!

    回覆刪除
    回覆
    1. 多謝stella!唉!睇見間屋唔開胃!以前病都耍帶返學煮飯,依家可以休息下已經較前好啦!_

      刪除
  3. 天氣反覆不定,軒姐要多多保重,祝妳早日康復!

    回覆刪除
    回覆
    1. 多謝Man Man!年紀大機器壞!病痛漸漸浮現。

      刪除
  4. 天氣忽冷忽熱好易感冒,真係要萬事莫理,好好休息,祝你早日康復!

    回覆刪除
    回覆
    1. 多謝翠兒:食左藥好攰好眼瞓,想唔休息都唔得,好左好多啦!不過把聱仲未開囇!

      刪除
  5. 軒姐,你的情景我也有同感啊,若家中沒有一個「大掃廚」,這可真慘呢!
    希望軒姐可早日康復。

    回覆刪除
    回覆
    1. 多謝如心!邊個唔抵得邊個做多啲,梗有一個唔抵得去做,我諗你同我係同一類人,咭咭........係我地做啦!

      刪除
  6. 回覆
    1. 多謝雀后!好左好多啦!不過把聱仲未開囇!

      刪除
  7. 五姑娘好好休息,祝早日康復!

    回覆刪除
    回覆
    1. 多謝秋葉姑娘關心!好了很多了!有心!

      刪除
  8. 早晨軒姐:近日天氣忽冷忽熱,容易中招,祝早日痊癒。

    回覆刪除
  9. 呢排天氣忽冷忽熱,小心保重身體!

    回覆刪除
    回覆
    1. 多謝Philip!其實今次係大爺同細少傳染俾我,佢地抵抗力強,三幾日就好番,我底質差至會咁論盡。

      刪除
  10. 今日見你精神不錯,加油呀!

    回覆刪除