2016年1月22日 星期五

紅燒牛肉

    細少愛上台灣美食,在網上找到資料嘗試做了第一次紅燒牛肉,細少話不能說不好吃,但完全不是那種味道,我知道與台灣的生活習慣,飲食模式不同,相同的食材,叫法也有不同,有些食材口味也不同,於是跑到有售台灣美食的永安百貨地庫,買了台灣醬油,再試做,第一次是用牛肋條做,稍嫌肥膩,今次用牛展,細少第一時間試個湯汁,脫口而出:似啦似啦!不過仲爭少少,軒知道爭咩,應該是牛肉牛骨熬上湯,但大爺與軒都上了年紀不宜吃濃湯,所以沒有熬上湯。蘿蔔非常有益,有冬吃蘿蔔夏吃薑的說法,但往往買到的蘿蔔有苦澀味,於是找去苦澀味的辦法,1.有說加疏打粉一同汆水,2.有說加一把米一同汆水或洗米水,3.有說用鹽醃可去苦澀味,4.更有說不可過早下鹽,5.更有名廚教蘿蔔橫切後,最邊皮的部份會見如樹的年輪一圈,祗要將最外圈的一層用起出棄掉便可以去苦澀味,以上方法都試過,1.是不行仍有苦澀味,2.試過成功,但汆水後的米不知如何善後,3.也成功但蘿蔔變成有鹹味,5.也成功去苦澀味,但要去掉較多蘿蔔。2.的方法原理是澱粉質破壞了蘿蔔中的芥子油,既然蘿蔔糕鮮有苦澀味,正正是澱粉質發揮了功效,於是將米改用粘米粉,一樣可行。最直接方法是買日本蘿蔔或韓國蘿蔔,甚麼方法也不須用,腍甜無渣。

17 則留言:

  1. 白蘿蔔的確難買,但冬天當造就好些,日本白蘿蔔很貴,有機會我會試韓國白蘿蔔。

    回覆刪除
    回覆
    1. 我在Aeon買19.9一條好大條差不多有兩條普通蘿蔔,反而在百佳的韓國蘿蔔好貴40幾一條。

      刪除
  2. 軒姐早晨!
    好吸引,好分享,看來要上午煮定晚餐吃!

    回覆刪除
  3. 雖然無口福,但睇睇也聊勝於無!

    回覆刪除
  4. 呢位媽媽真係冇得彈,勁讚!
    一個白蘿蔔都咁多學問,您仲要逐樣,揾出問題,不枉我叫您做師傅。

    回覆刪除
    回覆
    1. 千其唔好咁叫呀!你有好多識嘅嘢我唔食架!在網上大家互動研究下。我都係好奇心重,至會試完又試!

      刪除
    2. 打錯字,我唔識至啱!

      刪除
  5. 咁凍,食完呢個暖笠笠。我自已煮蘿蔔凍水落,或落小片冰糖。

    回覆刪除
    回覆
    1. 如果煮蘿蔔糕我係凍水落,下次試下凍水煮。我有落冰糖,可能係我同細少食唔慣至會覺得有小小苦味,大爺自小吃慣他母親的蘿蔔,佢話蘿蔔係噉味。

      刪除
  6. 軒姐,我又嚟學嘢啦,昨日我跟你方法做了芋頭扣肉,因為昨晚放工比較夜,要今晚吃至知整得似唔似?
    台灣人的食物,通常都很重口味,對年輕人OK,但年長的就不那麼好了!

    回覆刪除
    回覆
    1. 如心太客氣啦!你都是高手!可能咁啱一個半個餸未煮過啫!我都有好多你識我唔識嘅餸要向你學習呀!台灣人的食物,通常都很重口味,聽講洗腎人數幾嚴重下。

      刪除
  7. 近年牛肉好貴,家中又有人不吃牛,所以我都少食。以往蘿蔔炆牛腩,蘿蔔先出水。
    我地家鄉煮蘿蔔不炒,認為蘿蔔起鑊炒會苦,料頭起鑊下水,水滾才下蘿蔔,一定要落糖,冬前蘿蔔最甜。

    回覆刪除
    回覆
    1. 我有汆水同加糖,但都有少少苦。今晚試左EE Chab的方法凍水落蘿蔔,我食唔覺苦,細少食話仲有少少苦,以前少時候是旦煮都唔會苦,可能是農藥,或地區土壤問題。

      刪除