2015年8月31日 星期一

脆脆魚塊

拍完『啤一啤美食』,檢視剩下的食材,有兩盒麵包糠,整乜好呢?到街市走一趟,買了兩塊龍脷柳,炸好一大碟,蘸沙律醬吃,細少話yummy
材料:龍脷柳兩大塊
胡椒鹽適量
雞蛋1隻稍拌
生粉適量
麵包糠半盒
做法:龍脷柳溶雪抹乾水,切成塊狀,灑上胡椒鹽稍醃,上生粉,沾上蛋液,再沾上麵包糠,放雪櫃雪半小時定形,中小火炸至金黃即成。
小小心得:麵包糠搶火易燶,小心油溫。

16 則留言:

  1. 軒軒:炸得咁靚我都想食呀,請問您買那牌子的龍利柳呀,我自後買過幾次都有漂白粉怪味後,已沒有再買呢種魚吃了,但D後生又很鐘意食魚柳喎,貪它啖啖肉呀。

    回覆刪除
    回覆
    1. 多謝小月!我在凍肉鋪買,冇牌子架,係散裝一條條可以揀的,十零蚊一大塊幾抵食,你去第二間買下應該唔會有漂白水味的。

      刪除
    2. 謝謝您!我試吓再揾揾先。

      刪除
    3. 小月:我係恒昌買,12蚊磅,揀大條的,都係十幾蚊條,冇漂白水味,你去開新信興順便去乃路巨街買啦。

      刪除
    4. 小月唔好客氣!
      翠兒講的恆昌比我將軍澳平,我買13.9一磅,稔魚網上傳話有問題,但淨肉好難分,我都係揀大條同厚身嘅似乎安全啲。

      刪除
    5. 因龍脷柳比稔魚柳大條啲。

      刪除
  2. 喱味餸我中意呀!好食又抵食,我經常炸架。

    回覆刪除
    回覆
    1. 真係好抵食,炸起一大碟,後生多數鍾意食香口嘢!

      刪除
  3. 回覆
    1. 試嚿啦!啖啖肉且又冇腥味,平靚正!

      刪除
  4. 軒姐,下次用剩麵包糠用嚟炸蝦或炸蠔,仲好食呀!

    回覆刪除
    回覆
    1. 麪包糠真係百搭,脆卜卜,好味!

      刪除
  5. 聽講有稔魚柳冒充龍脷柳, 要小心購買。

    回覆刪除
    回覆
    1. 依家乜都話假,良心良知都不在,唉!稔魚柳好像有問題,但淨肉,真係好難分,唯有幫襯啲大間凍肉店。

      刪除