2015年2月25日 星期三

開年飯

新年一定百物騰貴,過年如過日,家中開年也是隨便一餐,但到小姑一家來拜年,當開年便吃一餐好點。大爺說我有十多年沒有弄翅,今年一早買了半斤小勾翅,提早兩天發好,
本來一人一両有剩二両,豪一點掟埋落去,這個海窩是廿多年前在夜冷店買的。
菜膽炖翅
已經急不及待,開動了
細少釣的預留存放冰庫待姑姐來作客
姑爺至愛~例牌薑蔥炒蟹
飯後甜品,完滿的一餐。


19 則留言:

  1. 回覆
    1. 大爺話想食翅,一年一度就豪D豐富D啦!

      刪除
  2. 嘩!喱餐勁呀!亞嫂真係識做!

    回覆刪除
    回覆
    1. 翠兒:都係人敬我一尺,我敬人一丈啫!有來有往嘛!

      刪除
  3. 豐富的一餐,完滿的一餐。

    回覆刪除
    回覆
    1. 不是酒樓,家庭菜式算是豐富了。

      刪除
  4. 嘩!酒樓都食唔到咁靚咁足料嘅餸菜呀,嫂嫂咁好心機和手勢,姑仔一家一定好滿意了。

    回覆刪除
    回覆
    1. 姑仔唔多識煮,求其都話好,最滿意係外甥,一見鍋翅就話食翅唔食飯,𠽌𠽌又一碗,係大爺唔多滿意,話唔係排翅!鬼唔知食排翅咩,幾錢至得架,真係食米唔至價!而家都四五吋一隻勾翅,已經唔錯啦!真係吖!

      刪除
  5. 作者已經移除這則留言。

    回覆刪除
  6. 軒姐,我看不到細少釣的是甚麼東東,驟眼還以為是水魚呢!
    你真本事,就算係喺酒樓也沒有咁好,而我,自從母親年紀大了我已好耐冇吃過這麼正的開年飯。

    回覆刪除
    回覆
    1. 細少釣嘅係大尾魷,成二斤幾一隻,放冰格兩三個月,溶左雪D吸盤都仲有小小吸力,真係特別好食,爽口彈牙,有錢難求。我又點敢同酒樓大廚比呢!不過自己煮就真材實料,慳好多就真,2月初大爺幾姊弟妹已經預早團年,一家成千幾元都冇嘢食,幾千元一圍唔好講食翅,得個羮不在話下,仲要隻貴紀雞係冰鮮,霉嘅!我都成十幾年冇整翅嘞!大爺話想食,噉就整一次啦!煮就真係唔驚洗嘢就真係怕。

      刪除
  7. 好豐富的一餐,家人吃得開心,就是辛苦些也值得了。

    回覆刪除
    回覆
    1. 秋葉姑娘所言甚是,不辭勞苦都是為家人。

      刪除
  8. 回覆
    1. 自己煮勝在真材實料!個翅好濃味,幾好架!

      刪除
  9. 有個咁醒亞嫂,洗嘢都濟冇有怕.我來啦!
    團年同開年我都堅持煮,有D氣紛好,

    回覆刪除
    回覆
    1. 過門都係客,點會要人洗嘢,我都冇一定係正日做節,正日D嘢太貴,自從這十多年話團拜,冇氣氛好耐了。

      刪除