2014年3月2日 星期日

今非昔比的鴨

 今非昔比的鴨


 以前荔芋炆鴨,非常好味,一餐吃不完留待下餐更入味。可惜己無活鴨賣,冰鮮雞同鴨個脾就可以呃吓人,個胸入口便知龍與鳳,自從無活鴨, 無論燒臘店or酒樓鮮有好吃的燒鴨!
無啖好食呀!

 將荔芋切角,用小油半煎炸   

 鴨洗淨抹乾水,緊記要剪去两粒鴨米,否則很騷成鑊吾使要



           用老抽同小小酒搽勻鴨身同肚 


用慢火小油爆香蒜蓉、麵鼓醬、五香粉放入鴨肚內



用鐵針縫好,用油半煎炸至金黃,放回鑊中加水炆
大概一小時左右,視乎鴨大小,加入荔芋至稔,用筷子試穿鴨脾,穿得過即己熟。以前用半煱油炸,但現在改用小油半煎炸,效果都可以接受,不過要俾D耐性才可半煎炸,不停將油淋上鴨身會快D煎好。


       大功告成!斬件荔芋放底,肚內的汁可淋小小在鴨面。
冰鮮始終有分別,有一檔,檔主說是元朗交來,貴20大洋,下次試下有無分別,如果無就死心啦!

14 則留言:

  1. 烹飪在我來講係一門高深學問呢。

    回覆刪除
    回覆
    1. 烹飪祇要掌握到竅門,煮得多自然容易。

      刪除
  2. 嘩)))睇到又係流哂口水
    軒姐,你隻鴨抺乾水個樣仲好有儀態添

    回覆刪除
    回覆
    1. 小飛:KAKA.......隻鴨都有儀態?

      刪除
  3. 為大局著想
    還是適應及接受未來只會有冰鮮雞鴨吧.

    回覆刪除
    回覆
    1. 如果吾係今次D人出來抗議,都吾知係大陸累街坊,外國都有活雞賣,吾想負責就斬腳趾避沙虫啫,人家賣了幾十年雞都鮮見有事,香港係美食天堂卻俾大陸嚟玩的親戚笑香港D雞好難食,早年賠錢叫人交牌話中央屠宰,結果肥了一部份人卻一大批人失業,如今得個講字無下文。如果只會有冰鮮雞鴨,老實講我一年食得幾多隻雞ㄚ!係握殺一個行業,一大批人失業,蟻民不得不無奈接受,官字兩個口!

      刪除
  4. 哈哈!入嚟睇睇,望梅止渴都唔錯!

    回覆刪除
    回覆
    1. 咭咭...........Philip你都煮得一手好菜!使乜望梅止渴啫!嗱嗱聲去整啦!

      刪除
  5. 我都好鍾意食芋頭鴨,冰鮮雞鴨我開始適應。

    回覆刪除
    回覆
    1. 翠兒:我都好鍾意食芋頭呀,大爺食親冰鮮雞鴨就哝哦呀!

      刪除
  6. 芋頭是我的至愛之一, 而芋鴨更是無上美味, 我連芋頭雪糕也不放過哩.

    回覆刪除
    回覆
    1. 哈哈...........噉有人同你孚爭食嘞!我都係愛吃芋頭呀!

      刪除
  7. 可能我厨藝差喇,我真係覺得依家D冰鮮家禽,真係唔好食。

    回覆刪除
    回覆
    1. 吾係你厨藝差,係食材問題!酒樓用冰鮮家禽一樣吾好食。

      刪除