2017年3月4日 星期六

煲仔飯

       軒與細少是同一類人完美主義者〞~自討苦吃,前幾天很寒冷,兩母子為了拍上面的header,拍了六、七小時,不是細少不滿意便是軒不滿意,雖然不是最好的,但最基本要過到自己的眼睛一關,否則以後一入網誌便〝篤眼篤鼻〞實在難忍。拍到凌晨兩點多, 肚子餓,雪櫃有半個洋蔥和排骨,天寒地凍心思思想吃煲仔飯,便試試煲,但已幾十年沒有用明火煲飯,煤氣爐火猛,要小心~睇火,如果〝三及第〞與〝煲燶〞便沒得吃,今次算幸運,祗是米水多了點,飯較軟身而矣,仍有得吃,遲些再試一次。三點才去小睡一會,四點幾又起床煮早餐,真的有點吃不消,睡魔急call,連碗都不洗便去找周公!

16 則留言:

  1. 回覆
    1. 咭咭.....試過有人話專登晚上十一二點整曲奇,香到隔離屋瞓唔著。

      刪除
  2. 半夜敲門煲仔飯,今午趕上午餐來分享,好正!

    回覆刪除
    回覆
    1. 煲仔飯真係好正,百吃不厭。

      刪除
  3. 拍得咁靚,六七個鐘都抵啦!
    一日功夫千日看,支持你的執著。
    煲仔飯香噴噴,正好午飯時間,正!

    回覆刪除
    回覆
    1. 多謝翠兒支持,對朋友親人的相處,我可以好容忍遷就,但對藝術非常執著,〝篤眼篤鼻〞無法忍受。

      刪除
  4. 煲煲仔飯好講技巧,正如你所講,一唔留神就煲燶無得食!

    回覆刪除
    回覆
    1. 以前冇電飯煲,中午放學回家,飯已冰凍,慢火加熱,一不留神燶左冇得食,真係要好小心睇火,好多時加滾水去浸熱吃,現在有電飯煲放便得多了。

      刪除
  5. 半夜煮煲仔,若是住你隔壁,發夢也聞到飯香。

    回覆刪除
    回覆
    1. 咭咭....好彩佢地冇當煲煨嘢。

      刪除
  6. 最高境界煲仔飯…聽講係有很薄很香脆嘅飯焦㗎,你做唔到呢?軒姐。

    回覆刪除
    回覆
    1. 如心:如果是幾十年前未有電飯煲,個個家庭主婦都做到,小學我已開始煮飯,當時是用火水爐煮飯,天天都有飯礁吃,母親會留些飯做飯種,但現在用煤氣,爐火非常猛,又幾十年冇煮,有得食冇三及第同煲燶,算好彩,點敢講至高境界!

      刪除
  7. 煲仔飯天気冷至啱,軒姐支持你的執着,因為我們是同道中人、每次経過一番努力之後見到有好成果,幾辛苦都是值得的。~小滿!

    回覆刪除
    回覆
    1. 多謝小滿支持!祇有同道中人才明白為何會如此執著,在別人眼中可能覺得我地好煩,自討苦吃。雖然在別人眼中未必是好,但最基本是在自己的能力範圍內做到最好,過到自己對眼。

      刪除