2016年4月4日 星期一

優格蛋糕

       與朋友逛街見即將到期的優格,大平賣,2磅裝買一送一70個大洋咋!於是一人一罐平均35個大洋超抵!由於最近氣管敏感,平白無端都會咳到飛起,吃凍嘢就C快啲,吃完優格咳到幾乎斷氣,眼見快到期,豈非貪字變貧,不如整蛋糕,冇嘥!
材料:8吋活底模
牛油溶液40
優格250
大蛋5
低筋粉60
粟粉30
80
做法:
蛋白與蛋黃分開,粉類過篩
牛油溶液與優格打滑,加蛋黃打勻,逐隻蛋黃加,打勻才加另一隻蛋黃,打勻後加粉類拌勻至無粉粒之麵糊備用。蛋白用高速打至起粗泡,分二次加入糖,打至企身,打起的蛋白提起要有小小勾向下垂,先加入1/3蛋白與麵糊混合,再將麵糊倒回蛋白霜輕手拌勻,至單一顏色就可以倒入己墊牛油紙之模中,如用活底模,要用錫紙包底,要包兩層。拿起模具在檯上輕敲幾下,坐熱水入爐,放低層,用170度焗60分鐘,如表面太早着色,可用錫紙遮蓋,用竹簽插入拔出竹簽乾爽沒有蛋糊便熟。
出爐啦!
因為混合蛋白霜的過程不太均勻,底層有點似布丁,無意中做出carol老師介紹層次分明的奇妙蛋糕,入口有著布丁+海棉蛋糕的口感 ,咭咭.........今次錯有錯着。


12 則留言:

  1. 平極都冇你自己製作咁好嘅!

    回覆刪除
  2. 軒姐,我想知乜嘢叫優格?而你整呢個蛋糕又有點似戚芳?

    回覆刪除
    回覆
    1. 優格即係yogurt,其實同戚芳做法一樣,不過唔係落植物油而是牛油。

      刪除
    2. 我都覺得似芝士蛋糕。

      刪除
    3. 優格似軟左嘅芝士,但質地更軟,所以做出來似芝士蛋糕。

      刪除
  3. 回覆
    1. 優格似軟左嘅芝士,但質地更軟,所以做出來似芝士蛋糕,但比芝士蛋糕清爽,冇咁膩,芝士蛋糕就濃味好多,各有千秋。

      刪除
  4. 我會用 yogurt 整雪芳疍糕,下次要試試你呢個先,多謝你的分享!

    回覆刪除
    回覆
    1. 小月唔好客氣,大家分享下啫,我當芝士蛋糕咁用座水方法焗,座水焗似乎濕潤啲,口感同雪芳蛋糕有啲唔同。

      刪除