2016年4月11日 星期一

檸檬批



    試食譜不能一口氣不停去試做,即使有白老鼠幫忙,做得太頻密也會覺得膩,最至命係會肥C,祗好分開去做,終於試了個檸檬批食譜,本來檸檬批是較酸的,但一班白老鼠都建議要加甜,於是從善如流,加完又加,酸甜味是很個人的,因應個人口味調節便是。試味並不困難,要試到材料剛好用完才難,最怕剩下少少餡而煩惱。個批最初不是餡過多便是過少,做了幾次連批底材料都調整,才做到材料剛好。


材料:7.5吋活動底批模一個(找不到8吋的模買,一跳便是9)
麥維他消化餅9塊約137
牛油55
檸檬3個磨皮
檸檬汁120(3-4個檸檬,視乎大少)
砂糖150
蛋液150
魚膠片4
做法:
將消化餅壓碎,牛油溶化成液體,與餅碎均勻混合,倒進批模中用匙壓實成批底,用150度慢火烘15分鐘,雪凍備用。
魚膠片用凍水浸軟,雞蛋打勻備用。
檸汁煮熱加糖煮至糖溶,加入已浸軟魚膠片,待魚膠片全部溶後拌勻,轉至最小火加入蛋液不停搞拌成杰身加入檸檬皮茸拌勻,倒進雪凍之模中,雪凍即可。
小小心得:一下雞蛋便要小心,過熟便出現有熟蛋情形,也可用座熱水方法去搞拌,較易控制。可再加入牛油令餡更幼滑,但我怕肥沒有再放牛油,而消化餅亦減了牛油,足夠拌勻便算,想更香口可加牛油。

18 則留言:

  1. 軒姐,相信今次的白老鼠必多,多到要你即刻加碼……
    我想可能要攞籌至得!

    回覆刪除
    回覆
    1. 如心:點會呢!人家唔嫌棄已好俾面啦!一直以來真係好多謝班白老鼠不嫌棄,冒着肥C同唔好食都照哽,冇左佢地我點敢整咁多次。

      刪除
  2. 咁我都要排隊啦!最多咪試食前制自己一星期唔食飽飯囉!哈哈!我講笑咋!美食當前,食咗先!

    回覆刪除
    回覆
    1. 多謝stella俾面!我都係咁話,美食當前,食咗先!最多唔食咁多,食少少過下口癮都要。

      刪除
  3. 呢個批,引到流哂口水呀,原來可以用馬利餅做底,我衹係識用麵粉整批底咋>0<

    回覆刪除
    回覆
    1. 用麥維他餅方便快捷呀!用麵粉整批底又另一口味呢!

      刪除
  4. 做你的白老鼠,真好口福呢!

    回覆刪除
    回覆
    1. 係我嘅福氣,如果唔係搵到白老鼠肯同我試,冇咁快試到新嘢。

      刪除
  5. 做白老鼠都吾錯,有好嘢食。

    回覆刪除
    回覆
    1. 有好有唔好架!唔一定次次好食呀!

      刪除
  6. 我都好耐冇整過檸檬批喇,睇你整得咁靚又想食添!

    回覆刪除
    回覆
    1. 檸檬批真係幾清香呀!得閒整番個啦!

      刪除
  7. 很佩服五姑娘對飲食反複研究的精神!

    回覆刪除